ഗാർഡ സേനയുടെ യൂണിഫോം; മാറ്റം ഇന്ന് മുതൽ..

അയർലണ്ട് ഗാർഡ സേനയിലെ പുതിക്കിയ യൂണിഫോം ഇന്ന് മുതൽ പ്രാബാല്യത്തിൽ. ഡ്യൂട്ടിയിലുള്ള ഉദ്യോഗസ്ഥർ നിലവിൽ ധരിക്കുന്ന ഷർട്ടിന് പകരം നീല പോളോ ഷർട്ടാണ് ധരിക്കേണ്ടത്. സേനയുടെ ചരിത്രത്തിൽ ഇത് മൂന്നാം തവണയാണ് യൂണിഫോം ഔദ്യോഗികമായി മാറ്റുന്നത്.

യൂണിഫോമിന്റെ തൊപ്പി ഒഴികെയുള്ള ഭാഗങ്ങൾ ഗാർഡ ചിഹ്നം വഹിക്കുന്നു.അതേസമയം നിലവിലുള്ള ഷർട്ടുകളും ടൈകളും ഉണ്ടാകില്ല. കഴിഞ്ഞ കുറച്ച് മാസങ്ങളായി, ഗാർഡ, സെർജന്റ്, ഇൻസ്പെക്ടർ എന്നീ റാങ്കുകളുള്ള സേനയിലെ ഏകദേശം 13,000 അംഗങ്ങൾക്ക് പുതിയ യൂണിഫോം എത്തിച്ചു.മതപരവും സാംസ്കാരികവുമായ കാരണങ്ങളാൽ ഔദ്യോഗിക ശിരോവസ്ത്രം ധരിക്കുന്നതിനുള്ള നയങ്ങൾ മുമ്പ് അപ്ഡേറ്റ് ചെയ്തിട്ടുണ്ട്. തലപ്പാവ്, കുഫികൾ, ടോപ്പികൾ, കിപ്പകൾ അല്ലെങ്കിൽ ഹിജാബുകൾ എന്നിവ അനുവദിച്ചു.

പുതിയ യൂണിഫോം തീരുമാനിക്കുമ്പോൾ ആദ്യം മുതൽ തന്നെ ചെലവിനേക്കാൾ ഗുണമേന്മയ്ക്കായിരുന്നു മുൻഗണനയെന്ന് അടുത്ത വിർത്തങ്ങൾ അറിയിച്ചു. അയർലണ്ടിലെ പോലീസിംഗിന്റെ ഭാവിയെക്കുറിച്ചുള്ള റിപ്പോർട്ടിലെ പ്രധാന ശുപാർശയായിരുന്നു പുതുക്കിയ യൂണിഫോം