രോഗികളുടെ പരിചരണവുമായി ബന്ധപ്പെട്ട ഗുരുതരമായ പ്രൊഫഷണൽ വീഴ്ചകളും മോശം പെരുമാറ്റവും കണ്ടെത്തിയതിനെ തുടർന്ന് വിദേശ നഴ്സിന്റെ രജിസ്ട്രേഷൻ അയർലണ്ട് ഹൈക്കോടതി റദ്ദാക്കി. Nursing and Midwifery Board of Ireland (NMBI) നടത്തിയ ഫിറ്റ്നസ്-ടു-പ്രാക്ടീസ് അന്വേഷണത്തിന് പിന്നാലെയാണ് നടപടി. 2021 ജൂലൈ, ഓഗസ്റ്റ് മാസങ്ങളിൽ ഡബ്ലിനിലെ Mater Private Network ആശുപത്രിയിൽ ജോലി ചെയ്തിരുന്ന സമയത്തെ രോഗി പരിചരണവുമായി ബന്ധപ്പെട്ടാണ് ഇവർക്കെതിരെ പരാതികൾ ഉയർന്നത്.
Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2
രോഗിക്ക് ആവശ്യമായ ഡ്രസ്സിംഗ് നൽകുന്നതിൽ വീഴ്ച വരുത്തി, മുട്ട് മാറ്റിവെക്കൽ ശസ്ത്രക്രിയയ്ക്ക് ശേഷം പരിചരണം ആവശ്യമായ രോഗിയെ ബെഡ്പാനിൽ ഇരുത്തി ഒറ്റയ്ക്ക് വിട്ടു, രോഗിയെ വൃത്തിയാക്കുന്നതിനിടെ മോശമായി പെരുമാറി, രോഗിയുടെ പരിചരണ സമയത്ത് അപമാനകരമായ രീതിയിൽ മുഖഭാവങ്ങൾ പ്രകടിപ്പിച്ചു തുടങ്ങിയവയാണ്ന ഴ്സിനെതിരെ ഉയർന്ന ആരോപണങ്ങളിൽ ചിലത്. ഇവയെല്ലാം പ്രൊഫഷണൽ തെറ്റുകളും നഴ്സിംഗ് പെരുമാറ്റച്ചട്ട ലംഘനങ്ങളുമാണെന്ന് അന്വേഷണ സമിതി കണ്ടെത്തി.
ഹൈക്കോടതി പ്രസിഡന്റ് ജഡ്ജി David Barniville രജിസ്ട്രേഷൻ റദ്ദാക്കൽ അംഗീകരിച്ചു. പൊതുജന സുരക്ഷയും പൊതുതാൽപര്യവും സംരക്ഷിക്കാൻ ഈ നടപടി ആവശ്യമായതും അനുപാതികവുമായ ശിക്ഷയാണെന്ന് അദ്ദേഹം വ്യക്തമാക്കി. രോഗികളുടെ പരിചരണ നിലവാരത്തിലും അവരുടെ മാന്യത സംരക്ഷിക്കുന്നതിലും ഗുരുതരമായ കുറവുകളാണ് കണ്ടെത്തിയതെന്ന് കമ്മിറ്റി പറഞ്ഞു. ഈ വീഴ്ചകൾ പരിഹരിക്കാൻ പരിശീലനം, നിയന്ത്രണങ്ങൾ, അല്ലെങ്കിൽ താൽക്കാലിക സസ്പെൻഷൻ എന്നിവ മതിയാകില്ലെന്നും രജിസ്ട്രേഷൻ റദ്ദാക്കുന്നതാണ് ശരിയായ നടപടിയെന്നും സമിതി വ്യക്തമാക്കി.
ചില സാഹചര്യങ്ങളിൽ സഹപ്രവർത്തകരുടെയും മെഡിക്കൽ സ്റ്റാഫിന്റെയും ഇടപെടൽ ഉണ്ടായില്ലെങ്കിൽ രോഗികളുടെ പരിചരണം അപകടത്തിലാകുമായിരുന്നുവെന്നും അന്വേഷണ സമിതി ചൂണ്ടിക്കാട്ടി. കൂടാതെ, നിർദേശിച്ച പരിചരണ നടപടികൾ പാലിക്കാതിരിക്കുകയും ഒരു രോഗിയുടെ വേദന വിലയിരുത്തുന്നതിൽ പരാജയപ്പെടുകയും ചെയ്ത സംഭവങ്ങളും നഴ്സിനെതിരെ കണ്ടെത്തിയിരുന്നു. രോഗികളുടെ സുരക്ഷയും വിശ്വാസവും സംരക്ഷിക്കുന്നതിനായി നഴ്സിനെ രജിസ്റ്ററിൽ നിന്ന് നീക്കം ചെയ്യുന്നത് അനിവാര്യമാണെന്ന് ഹൈക്കോടതി വിധിച്ചു.
Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S
Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==
ശമ്പള കരാർ ചർച്ചകൾ പരാജയപ്പെട്ടതിനെത്തുടർന്ന് അയർലണ്ടിൽ വീണ്ടും ദേശീയ പണിമുടക്കിനുള്ള ഒരുക്കങ്ങൾ ആരംഭിച്ച് പൊതുമേഖലാ ട്രേഡ് യൂണിയനുകൾ. 3 ലക്ഷത്തിലധികം…
അയർലണ്ടിലെ പ്രമുഖ സൂപ്പർമാർക്കറ്റ് ശൃംഖലയായ SuperValu-വിന്റെ 13 സ്റ്റോറുകളിലെ ഫ്രിഡ്ജ്, ഫ്രീസർ സംവിധാനങ്ങളെ ബാധിച്ച സൈബർ സംഭവത്തെത്തുടർന്ന് ശീതീകരിച്ച ഭക്ഷ്യവസ്തുക്കൾ…
അയർലണ്ടിൽ പുതിയ ശമ്പള കരാർ സംബന്ധിച്ച സർക്കാർ–ട്രേഡ് യൂണിയൻ ചർച്ചകൾ തീരുമാനത്തിലെത്താതെ അവസാനിച്ചതോടെ പൊതുമേഖലയിൽ വീണ്ടും ദേശീയ പണിമുടക്കിന് സാധ്യത.…
വാഷിങ്ടൺ: അമേരിക്കയില്‍ നാളെ ഇടക്കാല തെരഞ്ഞെടുപ്പ് നടക്കാനിരിക്കെ നിർണായക പ്രഖ്യാപനവുമായി പ്രസിഡൻറ് ഡോണള്‍ഡ് ട്രംപ്. ഡെമോക്രാറ്റുകള്‍ക്ക് ഭൂരിപക്ഷം ലഭിച്ചാല്‍ താന്‍…
വിമാനയാത്രക്കാരെ സംബന്ധിച്ചിടത്തോളം നിർണായകമായ മാറ്റങ്ങളുമായി ഇന്ത്യയിൽ പുതിയ വ്യോമയാന നിയമങ്ങൾ. അസാധാരണ സാഹചര്യങ്ങളിൽ വിമാനടിക്കറ്റ് നിരക്കുകളിൽ ഇടപെടാനും താൽക്കാലിക നിർദേശങ്ങൾ…
ഇന്ത്യയിലേക്ക് അന്താരാഷ്ട്ര വിമാനത്തിൽ യാത്ര ചെയ്യുന്ന എല്ലാവർക്കും Air Suvidha Self-Declaration Form (SDF) നിർബന്ധമാക്കി. ഇന്ത്യൻ പാസ്‌പോർട്ട് ഉടമകൾ,…