Prescriptions നീട്ടി നൽകുന്നതിന് ഫാർമസിസ്റ്റുകൾക്ക് അധികാരം നൽകും

ഫാർമസിസ്റ്റുകൾക്ക് പ്രെസ്ക്രൈബിങ് അധികാരം വർദ്ധിപ്പിക്കുന്ന പുതിയ നടപടികൾ പുതുവർഷത്തിൽ പ്രാബല്യത്തിൽ വരുമെന്ന് ആരോഗ്യമന്ത്രി സ്റ്റീഫൻ ഡോണലി പറഞ്ഞു.പ്രശ്നം പരിശോധിക്കാൻ രൂപീകരിച്ച വിദഗ്ധ ടാസ്‌ക്‌ഫോഴ്‌സിന്റെ ആദ്യ ശുപാർശയെ തുടർന്നാണ് തീരുമാനം. മാർച്ച് 1 മുതൽ, രോഗികൾക്ക് ഉചിതമെന്ന് തോന്നിയാൽ, മരുന്ന് കുറിപ്പടി പരമാവധി 12 മാസം വരെ നീട്ടാൻ ഫാർമസിസ്റ്റുകൾക്ക് അധികാരം ലഭിക്കും.

ഒരു കുറിപ്പടി നീട്ടുന്നതിനായുള്ള രോഗിയുടെ അഭ്യർത്ഥനയിൻ മേൽ വിലയിരുത്തലിന് ശേഷം ഫർമസിസ്റ്റുകൾക്ക് തീരുമാനമെടുക്കാം. ചില മരുന്നുകൾ കുറിപ്പടി വിപുലീകരണത്തിന് യോഗ്യമല്ല. ആവർത്തിച്ചുള്ള കുറിപ്പടിക്കായി ജിപിയെ സന്ദർശിക്കേണ്ടതില്ലാത്ത രോഗികൾക്ക് ഈ നീക്കം ഫ്ലെക്സിബിലിറ്റി നൽകുകയും ജിപിമാരുടെ ഭാരം കുറയ്ക്കുകയും ചെയ്യും. ഈ വർഷം ആദ്യം ഫാർമസിസ്റ്റിന്റെ പങ്ക് പരിശോധിക്കാൻ രൂപീകരിച്ച വിദഗ്ധ ടാസ്‌ക്‌ഫോഴ്‌സിന്റെ ആദ്യ ശുപാർശയാണിത്.

പുതിയ നടപടികളെ പിന്തുണയ്ക്കാൻ റിസോഴ്‌സുകൾ ആവശ്യമാണെന്ന് ഐറിഷ് ഫാർമസി യൂണിയനിലെ (ഐപിയു) പ്രൊഫഷണൽ സർവീസസ് മേധാവി പറഞ്ഞു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb