ഗ്രീൻ പാർട്ടി നേതാവ് എമോൺ റയാൻ സ്ഥാനമൊഴിഞ്ഞു, അടുത്ത തിരഞ്ഞെടുപ്പിൽ താൻ മത്സരിക്കില്ലെന്ന് പ്രഖ്യാപിച്ചു

ഗ്രീൻ പാർട്ടി നേതാവ് എമോൺ റയാൻ സ്ഥാനമൊഴിയുന്നു.കാലാവസ്ഥ, പരിസ്ഥിതി, വാർത്താവിനിമയ, ഗതാഗത മന്ത്രി കൂടിയായ റയാൻ, ഇന്ന് രാവിലെ നടന്ന മന്ത്രിസഭാ യോഗത്തിൽ തൻ്റെ തീരുമാനം സഹപ്രവർത്തകരെ അറിയിച്ച ശേഷമാണ് ഇക്കാര്യം പ്രഖ്യാപിച്ചത്. അടുത്ത പൊതുതെരഞ്ഞെടുപ്പിൽ താൻ മത്സരിക്കില്ലെന്നും അദ്ദേഹം സ്ഥിരീകരിച്ചു. കുറച്ച് മാസങ്ങൾക്ക് മുമ്പ് തന്നെ സ്ഥാനമൊഴിയാൻ തീരുമാനിച്ചതായി റയാൻ പറഞ്ഞു.

അടുത്തിടെ നടന്ന പ്രാദേശിക, യൂറോപ്യൻ തിരഞ്ഞെടുപ്പുകളിൽ ഗ്രീൻ പാർട്ടിക്ക് അവരുടെ കൗൺസിൽ സീറ്റുകളുടെ പകുതിയും നഷ്ടപെട്ടിരുന്നു. ഒരു പകരക്കാരനെ നിയമിക്കുന്നതുവരെ പാർട്ടി നേതാവായും , മന്ത്രിയായും റയാൻ തുടരും. 2011 മുതൽ പാർട്ടിയെ നയിക്കുന്ന റയാൻ, 2020 ൽ കാതറിൻ മാർട്ടിനെ 946 നെതിരെ 994 വോട്ടുകൾക്ക് പരാജയപ്പെടുത്തി ആ സ്ഥാനം നിലനിർത്തി. നിലവിൽ ഗ്രീൻ പാർട്ടിയുടെ ഡെപ്യൂട്ടി ലീഡറായ കാതറിൻ മാർട്ടിൻ, അദ്ദേഹത്തിന് പകരം നേതാവാകാനുള്ള സാധ്യത കണക്കാക്കപ്പെടുന്നു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb