അയർലണ്ടിൽ സെക്കൻഡറി സ്കൂളുകളിൽ അധ്യാപക ക്ഷാമം രൂക്ഷം; വിഷയങ്ങൾ വെട്ടിക്കുറയ്ക്കേണ്ട സാഹചര്യം

ടീച്ചേഴ്‌സ് യൂണിയൻ ഓഫ് അയർലണ്ടിന്റെ സർവേയിൽ പങ്കെടുത്ത ഏകദേശം മൂന്നിൽ രണ്ട് സെക്കൻഡറി സ്‌കൂളുകളിലും അദ്ധ്യാപക ഒഴിവുകളുണ്ട്. മുക്കാൽ ഭാഗത്തിലധികം സ്കൂളുകളിൽ കഴിഞ്ഞ ആറ് മാസത്തിനുള്ളിൽ പരസ്യപ്പെടുത്തിയ തസ്തികകളിൽ അപേക്ഷകളൊന്നും ലഭിച്ചിട്ടില്ല. ചില സെക്കൻഡറി സ്കൂളുകൾക്ക് അധ്യാപകരുടെ കുറവ് കാരണം ചില വിഷയങ്ങൾ ഉപേക്ഷിക്കേണ്ടിവരുന്ന സ്ഥിതിയാണ്. ജീവനക്കാരെ കണ്ടെത്താനാകാത്തതിനാൽ അഞ്ചിൽ ഒരു സ്കൂൾ വിഷയങ്ങൾ ഉപേക്ഷിച്ചിട്ടുണ്ടെന്ന് TUI പറയുന്നു.

മാത്തമെറ്റിക്സ്,ബയോളജി, ഹോം ഇക്കണോമിക്‌സ്, കൺസ്ട്രക്ഷൻ സ്റ്റഡീസ്, വുഡ് വർക്ക്, ഐറിഷ്, ഫ്രഞ്ച്, അഗ്രികൾച്ചറൽ സയൻസ്, എന്നിവയാണ് അധ്യാപകരെ കണ്ടെത്താൻ പ്രയാസമുള്ള വിഷയങ്ങൾ. രാജ്യത്തുടനീളമുള്ള 104 സ്കൂളുകളിലെ പ്രിൻസിപ്പൽമാരുടെയും ഡെപ്യൂട്ടി പ്രിൻസിപ്പലുമാരുടെയും TUI സർവേയിൽ 89 ശതമാനം സ്കൂളുകളും കഴിഞ്ഞ 12 മാസങ്ങളിൽ റിക്രൂട്ട്മെന്റ് ബുദ്ധിമുട്ടുകൾ അനുഭവിച്ചതായി കണ്ടെത്തി. ചില സ്‌കൂളുകൾ ജീവനക്കാരുടെ കുറവ് കാരണം വിദ്യാർത്ഥികളുടെ എണ്ണം പരിമിതപ്പെടുത്താനുള്ള നടപടികളും സ്വീകരിക്കുന്നുണ്ട്.

സെപ്തംബർ, ഒക്ടോബർ മാസങ്ങളിൽ TUI നടത്തിയ ഒരു സർവേയിൽ 64% സ്കൂളുകളിലും അധ്യാപക ഒഴിവുകളുണ്ടെന്ന് കണ്ടെത്തി. അധ്യാപന ജോലി പരസ്യം ചെയ്ത 10 സ്കൂളുകളിൽ 8 എണ്ണത്തിനും ഒരു അപേക്ഷ പോലും ലഭിച്ചിട്ടില്ലെന്നും ഇത് കാണിക്കുന്നു. റിക്രൂട്ട്‌മെന്റ് പ്രതിസന്ധിയുടെ ആഘാതം വിദ്യാർത്ഥികൾ ഇപ്പോൾ അനുഭവിച്ചു തുടങ്ങിയെന്ന് TUI ജനറൽ സെക്രട്ടറി മൈക്കൽ ഗില്ലസ്‌പി പറയുന്നു. അധ്യാപക ക്ഷാമം രൂക്ഷമായിക്കൊണ്ടിരിക്കുകയാണെന്ന് ഗില്ലസ്പി പറയുന്നു.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb