അയർലണ്ടിൽ ഈ ആഴ്ച താപനില വീണ്ടും കുറയും; കനത്ത മഞ്ഞുവീഴ്ചയ്ക്കും ആലിപ്പഴ മഴയ്ക്കും സാധ്യത

അടുത്ത ആഴ്ച പകുതിയോടെ താപനില വീണ്ടും കുറയും, ചില പ്രദേശങ്ങളിൽ മഞ്ഞുവീഴ്ചയ്ക്കും ആലിപ്പഴ വർഷത്തിനും സാധ്യതയുണ്ട്.രാത്രിയിൽ -2 ഡിഗ്രി സെൽഷ്യസ് വരെ താഴുമെന്ന് മെറ്റ് ഐറിയൻ അറിയിച്ചു. ഇന്ന് പകൽ സമയത്ത് താപനില 6 മുതൽ 10 ഡിഗ്രി വരെ ആയിരിക്കും. ചില പ്രദേശങ്ങളിൽ രാത്രിയിൽ -2 ഡിഗ്രി വരെ താഴും. ചൊവ്വാഴ്ച പൊതുവെ വരണ്ട കാലാവസ്ഥയായിരിക്കും. ഉച്ചതിരിഞ്ഞ് ഉയർന്ന താപനില 5 മുതൽ 8 ഡിഗ്രി വരെയാകും. രാത്രിയിൽ താപനില 3 മുതൽ -2 ഡിഗ്രി വരെ ആയിരിക്കും. മഞ്ഞുവീഴ്ചയ്ക്കും സാധ്യതയുണ്ട്.

ബുധനാഴ്ച മൊത്തത്തിൽ മേഘാവൃതമായ ദിവസമായിരിക്കും. പരമാവധി താപനില സാധാരണയായി 4 മുതൽ 7 ഡിഗ്രി വരെയാണ്. വടക്ക് ഭാഗത്താണ് ഏറ്റവും തണുപ്പ് അനുഭവപ്പെടുക. രാത്രിയിലെ താഴ്ന്ന നില വീണ്ടും 2 മുതൽ -2 ഡിഗ്രി വരെ താഴും. വ്യാഴാഴ്ച മഞ്ഞുവീഴ്‌ചയും ആലിപ്പഴ വർഷവും ഉണ്ടാകാൻ സാധ്യതയുണ്ടെന്ന് മെറ്റ് ഐറിയൻ പറഞ്ഞു, ഉച്ചയ്ക്ക് ഉയർന്ന താപനില 2 മുതൽ 6 ഡിഗ്രി വരെയാകും. വെള്ളിയാഴ്‌ചയും അടുത്ത വാരാന്ത്യത്തിലും വരണ്ട കാലവസ്ഥയാകും.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb