Ireland

ജോണിക്കുട്ടിയുടെ “ഐറിഷ് ഹാമിലി” യുടെ ടൈറ്റിൽ സോങ്ങ് പുറത്തിറങ്ങി

കഴിഞ്ഞ വർഷം പുറത്തിറങ്ങിയ “Our Home” ടീമിന്റെ പുതിയ വെബ് സീരിസിന്റെ അവതരണ ഗാനം പുറത്തിറങ്ങി. ആദ്യഘട്ട ചിത്രീകരണം ഡബ്ലിനിലും പരിസര പ്രദേശങ്ങളിലും പൂർത്തിയായി. ഡ്രീം ആൻഡ് പാഷൻ ഫിലിംസിന്റെ ബാനറിൽ പുറത്തിറങ്ങുന്ന സീരീസ് സംവിധാനം ചെയ്തിരിക്കുന്നത് ബിപിൻ മേലേക്കുറ്റ് ആണ്, നിർമാണം നിഷ ബിപിൻ.

അയർലണ്ടും ഒരു പ്രധാന കഥാപാത്രമായി വരുന്ന ഈ സീരിസിന്റെ പിന്നണിയിൽ മലയാള സിനിമയിൽ നിന്നുള്ളവരും സഹകരിക്കുന്നുണ്ട്. ഇന്ദ്രൻസിന്റെ പുതിയ ചിത്രമായ വാമനന്റെ സംഗീത സംവിധായകനായ നിധിൻ ജോർജ്ജ് ആണ് ജോണിക്കുട്ടിയുടെ ഐറിഷ് ഫാമിലി യുടെ ഗാനം ആലപിച്ചിരിക്കുന്നത്. വെബ് സീരീസ്, നിരവധി ആൽബങ്ങൾ എന്നിവക്കെല്ലാം ഗാനരചന, സംഗീതം നൽകിയിട്ടുളള യാസിർ പരത്തക്കാടാണ് ഇവിടെയും ഗാന രചനയും സംഗീതവും നൽകിയിരിക്കുന്നത്.

ജോണിക്കുട്ടിയുടെയും ഫാമിലിയുടെയും കഥ പറയുന്ന ഈ ഷോർട്ട് ഫിലിമിൽ ജോണിക്കുട്ടിയായി വേഷമിടുന്നത് അയർലണ്ട് മലയാളിയായ പ്രിൻസ് ജോസഫ് അങ്കമാലിയാണ്. ആദ്യ എപ്പിസോഡിന്റെ പോസ്റ്റ് പ്രൊഡക്ഷൻ ജോലികൾ പൂർത്തിയായി വരുന്നൂ.ഡ്രീം ആൻഡ് പാഷൻ ഫിലിംസിന്റെ യൂട്യൂബ് ചാനലിലൂടെ പ്രേക്ഷകർക്ക് ഈ ഗാനം ആസ്വദിക്കാം…
ലിങ്ക് താഴെ;