ആയിരക്കണക്കിന് ഇലക്ട്രിക് അയർലൻഡ് ഉപഭോക്താക്കൾക്ക് ഇത്തവണ ലഭിക്കുക ഇരട്ട ബിൽ

ഇലക്ട്രിക് അയർലൻഡിന്റെ 24,000 ഉപഭോക്താക്കൾക്ക് ഈ മാസം ഇരട്ട ബില്ല് ലഭിക്കും. ഊർജ്ജ ബില്ലുകൾക്കായി 200 യൂറോ ക്രെഡിറ്റ് നൽകുന്നതിനൊപ്പം ഗവൺമെന്റിന്റെ താൽകാലിക വാറ്റ് കുറയ്ക്കൽ നടപ്പിലാക്കുന്നത് കാരണമുണ്ടായ ബില്ലിംഗ് പ്രശ്നത്തിന്റെ ഫലമായാണ് ഇതെന്ന് ഇലക്ട്രിക് അയർലണ്ട് അറിയിച്ചു.

2% ഉപഭോക്താക്കൾക്ക് ബില്ലുകൾ നൽകുന്നതിൽ കാലതാമസമുണ്ടായി, അവർക്ക് ഇത്തവണ ഇരട്ട ബിൽ ലഭിക്കും. കുറഞ്ഞ സമയത്തിനുള്ളിൽ ഉപഭോക്തൃ ബില്ലുകളിൽ ആവശ്യമായ ഭേദഗതികൾ വരുത്തുത്തിനുള്ള നടപടികൾ അധികാരികളുമായി ചേർന്ന് പനടത്തുന്നതായി ഇലക്ട്രിക് അയർലൻഡ് അറിയിച്ചു. ഉപഭോക്താക്കൾക്ക് ഇപ്പോൾ തുടർച്ചയായി രണ്ട് ബില്ലുകൾ ലഭിക്കാനുള്ള പ്രവർത്തനങ്ങളാണ് നടക്കുന്നത്.

ഉപഭോക്താക്കൾക്ക് ഈ നടപടി ഉണ്ടാക്കിയേക്കാവുന്ന അസൗകര്യത്തിൽ മന്ത്രാലയം ഖേദം പ്രകടിപ്പിച്ചു. ബില്ലുകളുമായി ബന്ധപ്പെട്ട് എന്തെങ്കിലും ആശങ്കകളുണ്ടെങ്കിൽ 1800 372 372 എന്ന നമ്പറിൽ ബന്ധപ്പെടണമെന്ന് ഇലക്ട്രിക് അയർലണ്ട് വക്താവ് അറിയിച്ചു. ഇരട്ടി ബില്ല് ഉണ്ടായിരുന്നിട്ടും, പ്രസ്തുത കാലയളവിലെ ഊർജ്ജ ചെലവ് സാധാരണ നിലയിലായിരിക്കുമെന്ന് കമ്പനി സ്ഥിരീകരിച്ചു, അടുത്തിടെ പ്രഖ്യാപിച്ച വിലവർദ്ധന ഓഗസ്റ്റ് 1 വരെ പ്രാബല്യത്തിൽ വരില്ല.

ഇലക്ട്രിക് അയർലണ്ടിന് ഏകദേശം 1.2 ദശലക്ഷം റെസിഡൻഷ്യൽ ഉപഭോക്താക്കളും 95,000 ബിസിനസ് ഉപഭോക്താക്കളുമുണ്ട്.