വേൾഡ് മലയാളി കൗൺസിൽ അന്താരാഷ്ട വനിതാ ദിനാഘോഷം ആരോഗ്യമന്ത്രി വീണ ജോർജ് ഉദ്ഘാടനം ചെയ്യും; ദലീമ ജോജോ എം എൽ എ.മുഖ്യാതിഥി

യൂറോപ്പ് :വേൾഡ് മലയാളി കൗൺസിൽ യൂറോപ്പ് റീജിയന്റെ ആഭിമുഖ്യത്തിൽ നടത്തപ്പെടുന്ന അന്താരാഷ്ട്ര വനിതാദിനാഘോഷം ആരോഗ്യമന്ത്രി വീണ ജോർജ് ഉദ്ഘാടനം ചെയ്യും. അരൂർ എം എൽ എ യും പ്രശസ്ത ഗായികയുമായ ദലീമ ജോജോ മുഖ്യാതിഥി ആയി പങ്കെടുക്കും.

ഗ്ലോബൽ വൈസ് ചെയർപേഴ്സൺ മേഴ്‌സി തടത്തിൽ മുഖ്യപ്രഭാഷണം നടത്തും. സ്ത്രീ ശാക്തീകരണത്തിന്റെ ഭാഗമായി ലിംഗ സമത്വം എന്ന വിഷയത്തിൽ പ്രൊഫസർ അന്നക്കുട്ടി (ജർമനി), ജീജ ജോയി വർഗീസ് (അയർലണ്ട്), ശ്രീജ (ജർമ്മനി) എന്നിവർ പങ്കെടുക്കുന്ന ചർച്ചയും നടത്തപ്പെടും. ഗ്ലോബൽ വനിതാ ഫോറം പ്രസിഡണ്ട്‌ ഡോ.ലളിത മാത്യു,സെക്രട്ടറി സിന്ധു ഹരികൃഷ്ണൻ,യൂറോപ്പ് റീജിയൻ വനിതാ ഫോറം പ്രസിഡണ്ട്‌ ബ്ലെസി റ്റോം കല്ലറക്കൽ, സെക്രട്ടറി ആൻസി വർഗീസ് എന്നിവർ വനിതാ ദിന സന്ദേശം നൽകും.

ഗ്ലോബൽ ചെയർമാൻ ഡോ. ഗോപാലപിള്ള, പ്രസിഡണ്ട്‌ ജോൺ മത്തായി, സെക്രട്ടറി ക്രിസ്റ്റഫർ വർഗീസ്,ട്രഷറർ ശശികുമാർ നായർ,യൂറോപ്പ് റീജിയൻ ചെയർമാൻ ജോളി തടത്തിൽ, പ്രസിഡണ്ട്‌ ജോളി പടയാട്ടിൽ (ജർമനി), സെക്രട്ടറി ബാബു തോട്ടപ്പള്ളി (യു കെ), വൈസ് ചെയർമാൻ ഗ്രിഗറിമേടയിൽ, ട്രഷറർ ഷൈബു കട്ടിക്കാട്ട്, മാധ്യമ പ്രവർത്തകനും ജർമ്മൻ പ്രോവിൻസ് പ്രസിഡന്റുമായ ജോസ് കുമ്പിളുവേലിൽ, ആർട്സ് ആൻഡ് കൾച്ചറൽ ഫോറം ഗ്ലോബൽ സെക്രട്ടറി രാജു കുന്നക്കാട്ട്, എഡ്യൂക്കേഷൻ ഫോറം ഗ്ലോബൽ വൈസ് പ്രസിഡണ്ട്‌ ജോജസ്റ്റ് മാത്യു, യൂറോപ്യൻ റീജിയൺ വൈസ് ചെയർമാൻ ബിജു വൈക്കം( അയർലണ്ട് ), ജോയിന്റ് സെക്രട്ടറി സാം ഡേവിഡ് മാത്യു ( യു കെ ) തുടങ്ങിയവർ ആശംസകൾ അർപ്പിക്കും. വിവിധ കലാപരിപാടികളും അരങ്ങേറും. നിക്കോൾ കാരുവേലിൽ ആണ് അവതാരക.

സൂം പ്ലാറ്റ്ഫോമിൽ നടക്കുന്ന ഈ ആഘോഷത്തിൽ പങ്കെടുക്കുവാൻ ഏവരെയും ക്ഷണിക്കുന്നതായി കൺവീനർ മേഴ്‌സി തടത്തിൽ അറിയിച്ചു.