സംസ്ഥാനത്ത് ഇന്ധനവില ഇന്നും വർധിച്ചു

കൊച്ചി: സംസ്ഥാനത്ത് ഇന്ധനവില ഇന്നും വർധിച്ചു. തെരഞ്ഞെടുപ്പ് ഫല പ്രഖ്യാപനം കഴിഞ്ഞതോടെ തുടര്‍ച്ചയായ മൂന്നാം ദിവസമാണ് ഇന്ധനവില കൂടിയിരിക്കുന്നത്. ഡീസലിന് 30 പൈസയും പെട്രോളിന് 23 പൈസയുമാണ് ഇന്ന് മാത്രം വര്‍ധിപ്പിച്ചത്.

കഴിഞ്ഞ 18 ദിവസം ഇന്ധനവിലയിൽ വർധനവ് ഉണ്ടായിരുന്നില്ല,തെരഞ്ഞെടുപ്പ് ഫല പ്രഖ്യാപനം വന്നതിന് പിന്നാലെ മെയ് 3 മുതലാണ് ഇന്ധന വില വർധിപ്പിച്ചു തുടങ്ങിയത്. മുംബൈയിൽ ആണ് മെട്രോ നഗരങ്ങളിൽ വച്ച് ഏറ്റവും ഉയർന്ന ഇന്ധനവില. മുബൈയിൽ ഒരു ലിറ്റർ പെട്രോളിന് 97.14 രൂപയും ഡീസലിന് 87.89 രൂപയുമാണ്.

ഇന്ധന വില വര്‍ധിക്കാന്‍ കാരണം അസംസ്‌കൃത എണ്ണയ്ക്ക് വില കൂടുന്നതാണെന്നാണ് എണ്ണ കമ്പനികള്‍ പറയുന്നത്.