മധ്യപ്രദേശിൽ 20 പേരടങ്ങുന്ന അതിഥി തൊഴിലാളികളുടെ സംഘം യാത്ര ചെയ്ത ട്രക്ക് മറിഞ്ഞ് 5 പേർ മരിച്ചു

മധ്യപ്രദേശ്: മധ്യപ്രദേശിൽ 20 പേരടങ്ങുന്ന അതിഥി തൊഴിലാളികളുടെ സംഘം യാത്ര ചെയ്ത ട്രക്ക് മറിഞ്ഞ് 5 പേർ മരിച്ചു. 15 പേർക്ക് പരുക്കേറ്റിട്ടുണ്ട്. ഭോപ്പാലിൽ നിന്ന് 200 കിലോമീറ്റർ മാറിയാണ് സംഭവം. ​ഹൈദരാബാദിൽ നിന്നും യാത്ര തിരിച്ച ട്രക്ക് മധ്യപ്രദേശിലെ ജാൻസിയിലേക്കും, ഉത്തർപ്രദേശിലേക്കുമാണ് പോയത്.

പരുക്കേറ്റവരെ ആശുപത്രിയിൽ പ്രവേശിപ്പിച്ചു. രണ്ട് പേരുടെ നില ​ഗുരുതരമാണെന്ന് നരസിം​ഗ്പൂർ പൊലീസ് അറിയിച്ചു. ഇവരുടെ കൂട്ടത്തിൽ ഒരാൾ കൊവിഡ് ലക്ഷണങ്ങൾ കാണിച്ചതുകൊണ്ട് എല്ലാവർക്കും കൊവിഡ് ടെസ്റ്റ് നടത്തിയിട്ടുണ്ടെന്നും പൊലീസ് കൂട്ടിച്ചേർത്തു.