കാസര്‍കോട് വന്‍ ചന്ദനവേട്ട

കാസര്‍കോട്: വളരെ വിചിത്രമായ സാഹചര്യത്തില്‍ കാസര്‍കോട് കളക്ടറുടെ ഓഫീസിന് സമീപത്തു നിന്നും വന്‍ ചന്ദന കടത്ത് പിടികൂടി. ജില്ലാകളക്ടറായ സജിത്ത് ബാബുവിന്റെ നേതൃത്വത്തിലായിരുന്നു ചന്ദവേട്ട നടന്നത്. കളക്ടര്‍ ഓഫീസിന് സമീപത്തെ വീട്ടില്‍ നിന്നും പുലര്‍ച്ചെയോടെയാണ് ചന്ദനം പിടികൂടിയത്.

വളരെ നാടകിയ സാഹചര്യത്തിലാണ് വന്‍ ചന്ദവേട്ട പിടികൂടുന്നത്. പുലര്‍ച്ച നാലരയോടെ ഉണര്‍ന്ന കളക്ടറും ഗണ്‍മാനും സമീപത്തെ വീട്ടില്‍ നിന്നും സാധാരണ കേള്‍ക്കാത്ത വിധത്തിലുള്ള ശബ്ദങ്ങള്‍ കേട്ടതോടെ എന്താണെന്ന് അറിയാനുള്ള ആകാംക്ഷയായി. തുടര്‍ന്ന് ഗണ്‍മാനും അദ്ദേഹവും നടത്തിയ അന്വേഷണത്തിലാണ് വീട്ടിനുള്ളില്‍ ചന്ദന കടത്ത് നടത്തുകയാണെന്ന് മനസിലായത്. വീടിന് മുന്‍പില്‍ രഹസ്യമായി ഒരു ലോകി നിര്‍ത്തിയതിന് ശേഷം ലോറിയിലേക്ക് ചന്ദന തടികള്‍ നിറയ്ക്കുന്ന ശബ്ദമായിരുന്നു അവര്‍ കേട്ടത്. ഉടനെ കളക്ടര്‍ സജിത്ത് ബാബു പോലീസിനെ വിവരം അറിയിച്ചു. അധികാരികളിലേക്ക് ഒരു ഓപ്പറേഷന്‍ നടത്തുന്നതിന്റെ വിവരങ്ങളും എത്തിച്ചു. തുടര്‍ന്ന് തുടര്‍ന്ന് സിനിമാ സ്റ്റൈലില്‍ അവര്‍ ഇടിവെട്ട് റെയ്ഡ് നടത്തി. കടത്തുകാര്‍ ഒരിക്കലും ഇത്തരത്തിലുള്ള ഒരു ഓപ്പറേഷന്‍ പ്രതീക്ഷിച്ചിരുന്നില്ല. പരിശോധനയില്‍ ചാക്കുകളില്‍ നിറച്ച നിലയിലായിരുന്നു ചന്ദനം.