കാർ വിൽപ്പന കുറയുന്നു

കാർ രജിസ്‌ട്രേഷനിൽ കഴിഞ്ഞ വർഷത്തെ അപേക്ഷിച്ച് 4.6 ശതമാനം കുറവുണ്ടായി. കോവിഡ് -19 നിയന്ത്രണങ്ങൾ ലഘൂകരിച്ചിട്ടും ഫെബ്രുവരിയിലെ വിൽപ്പന കഴിഞ്ഞ വർഷം ഇതേ മാസത്തെ അപേക്ഷിച്ച് 12.2 ശതമാനം കുറഞ്ഞു. 2019-ന്റെ ആദ്യ രണ്ട് മാസത്തെ കോവിഡിന് മുമ്പുള്ള വിൽപ്പനയുമായി താരതമ്യം ചെയ്യുമ്പോൾ വിപണി 21.9 ശതമാനം ഇടിഞ്ഞിട്ടുണ്ട്.

ഈ വർഷം ഇതുവരെ 37,058 പുതിയ കാറുകൾ രജിസ്റ്റർ ചെയ്തു. കഴിഞ്ഞ വർഷത്തെ ആദ്യ രണ്ട് മാസങ്ങളിൽ ഇത് 38,838 ആയിരുന്നു. ഈ സമയത്ത് ഷോറൂമുകൾ വലിയതോതിൽ അടച്ചിരുന്നു. കൂടാതെ ഡീലർമാർക്ക് ക്ലിക്ക് ആൻഡ് ഡെലിവർ സംവിധാനം മാത്രമേ പ്രവർത്തിപ്പിക്കാൻ കഴിഞ്ഞിരുന്നുമുള്ളൂ.

7,341 രജിസ്‌ട്രേഷനുകളുള്ള പുതിയ വാൻ വിപണിയിലും ഇത് സമാനമായ ഒരു പ്രശ്‌നമാണ്. ഇവിടെ വിൽപന 12 ശതമാനം കുറഞ്ഞു. ഇക്കാര്യത്തിൽ വ്യത്യസ്തമായത് ഹെവി ഗുഡ്സ് മാർക്കറ്റാണ്. ഈ വർഷം ഇതുവരെ ഹെവി ഗുഡ്സ് രജിസ്ട്രേഷൻ 2.14 ശതമാനം ഉയർന്ന് 574 ആയി.

യൂസ്ഡ് കാർ വിപണിയും വിതരണ പ്രശ്‌നങ്ങൾ നേരിടുന്നു. യൂസ്ഡ് കാർ ഇറക്കുമതി കഴിഞ്ഞ വർഷം 12,579 ആയിരുന്നത് ഈ വർഷം 37.6 ശതമാനം കുറഞ്ഞ് 7,848 ആയി.

ഇലക്ട്രിക്, ഹൈബ്രിഡ് വിൽപ്പനയുടെ കാര്യത്തിൽ മികച്ച വാർത്തയുണ്ട്. ഫെബ്രുവരി അവസാനത്തോടെ 4,320 പുതിയ ഇലക്ട്രിക് കാറുകൾ രജിസ്റ്റർ ചെയ്തു. കഴിഞ്ഞ വർഷം ഈ സമയം 1,782 ആയിരുന്നു. പുതിയ കാർ വിപണിയുടെ 44 ശതമാനവും ഇവികളും ഹൈബ്രിഡുകളുമാണ്. വിൽപനയുടെ 27.4 ശതമാനം പെട്രോൾ വിഹിതവും ഡീസൽ 25.9 ശതമാനം മാത്രമാണ്.

“പുതിയതും ഉപയോഗിച്ചതുമായ കാറുകൾക്ക് ശക്തമായ ഡിമാൻഡ് ഉണ്ടായിരുന്നിട്ടും, വിതരണം ഒരു പ്രധാന പ്രശ്നമായി തുടരുന്നു. 2022 രണ്ടാം പകുതി വരെ അത് വീണ്ടെടുക്കാൻ സാധ്യതയില്ല” എന്ന് സൊസൈറ്റി ഓഫ് ഐറിഷ് മോട്ടോർ ഇൻഡസ്ട്രിയുടെ (SIMI) ഡയറക്ടർ ജനറൽ Brian Cooke പറഞ്ഞു.

ഹ്യുണ്ടായിയെ 5,346 എണ്ണത്തിൽ പിന്നിലാക്കി 6,707 രജിസ്‌ട്രേഷനുകളോടെ ഏറ്റവും കൂടുതൽ വിറ്റഴിക്കപ്പെടുന്ന പുതിയ കാർ ബ്രാൻഡായി ടൊയോട്ട തുടരുന്നു. എന്നാൽ ഇരുവരും എതിരാളികളേക്കാൾ വളരെ മുന്നിലാണ്. 2,824 രജിസ്ട്രേഷനുകളോടെ സ്കോഡ മൂന്നാം സ്ഥാനത്തും, 2,767 രജിസ്ട്രേഷനുമായി Kia മൂന്നാം സ്ഥാനത്തും, 2,553 രജിസ്ട്രേഷനുമായി VW അഞ്ചാം സ്ഥാനത്തുമാണ്.

ടൊയോട്ടയുടെ Corollaയെക്കാൾ ഏറ്റവും കൂടുതൽ വിറ്റഴിക്കപ്പെടുന്ന പുതിയ കാർ Hyundai Tucson ആണ്. 820 രജിസ്ട്രേഷനുകളുള്ള ഹ്യുണ്ടായ് അയോണിക് 5 ആണ് ഏറ്റവും കൂടുതൽ വിറ്റഴിക്കപ്പെടുന്ന പുതിയ ഇലക്ട്രിക് കാർ, അതിന്റെ എതിരാളികളായി Kiaയുടെ EV6ഉം VW’s ID.4–ഉം ഉണ്ട്. പുതിയ വാൻ വിപണിയിൽ 1,949 രജിസ്‌ട്രേഷനുമായി ഫോർഡ് മുന്നിലാണ്. ഫോക്‌സ്‌വാഗൺ 1,218 ഉം Opel 822ഉം രജിസ്‌ട്രേഷനുമായി ഫോർഡിന് പിന്നിലുണ്ട്.