അമ്പലത്തില്‍ ഷൂസും ഹിജാബും ധരിച്ച്‌ പെണ്‍കുട്ടി കയറി : ക്ഷേത്രകമ്മിറ്റി പരാതിപ്പെട്ടു

മലപ്പുറം: പൊതുവെ അഹിന്ദുക്കള്‍ക്ക് പ്രവേശനമില്ലാത്തതാണ് ക്ഷേത്രങ്ങള്‍. ഇത് പൊതുവെ സമൂഹത്തില്‍ എല്ലാവര്‍ക്കും അറിയുന്ന വസ്തുതയായിരിക്കേ എല്ലാവരും ഇത് പരസ്പരം ബഹുമാനിക്കാറുമുണ്ട്. എല്ലാ മതവിഭാഗക്കാരും പരസ്പര ബഹുമാനത്തില്‍ തന്നെയാണ് ഇന്ത്യയില്‍ ഇത്തരം കാര്യങ്ങള്‍ ചെയ്യാറുള്ളത്. എന്നാല്‍ കഴിഞ്ഞ ദിവസം ഒരു പെണ്‍കുട്ടി സോഷ്യല്‍ മീഡിയയില്‍ ഒരു ഫോട്ടോ പോസ്റ്റു ചെയ്തതോടെ ഒരു വിഭാഗം ആളുകള്‍ ഇതിനെതിരെ പരാതിപ്പെട്ടു.

വാണിയമ്പലത്തെ ത്രിപുരസന്ദരി ക്ഷേത്രത്തില്‍ ഹിജാബും ഷൂസും ധരിച്ച് യുവതി പ്രവേശിച്ച് അലക്ഷ്യമായി പ്രതിഷ്ഠയുടെ മുന്‍പില്‍ നിന്നും ഫോട്ടോ എടുക്കുകയും അത് സോഷ്യല്‍ മീഡിയയില്‍ പ്രചരിക്കുകയും ചെയ്തു. തുടര്‍ന്ന് ഇതിനെതിരെ പലരും പ്രതികരിച്ചു. പ്രായം മുന്‍നിര്‍ത്തി പെണ്‍കുട്ടിയുടെ വിവരമില്ലായ്മയായാണ് എല്ലാവരും ഇതിനെ കണ്ടിരിക്കുന്നത്. എന്നാല്‍ ഇതിനെതിരെ ക്ഷേത്രം സെക്രട്ടറി ശരത്കുമാര്‍ പരാതി നല്‍കുകയും പോലീസ് വിശദമായി ഇതെക്കുറിച്ച് അന്വേഷണം നടത്തുമെന്നും പറഞ്ഞു.

(അവലംബം: ഈസ്റ്റ് കോസ്റ്റ് ഡയ്‌ലി ന്യൂസ്, 13.12.2020 . 6.04 am)