ഒരു ദുരന്തമായി മുല്ലപ്പെരിയാർ മാറാൻ ഇനിയും കാത്തിരിക്കണോ?? നമ്മുടെയെല്ലാം ജീവനുവേണ്ടി ഒരു ഒപ്പ്….

ഓരോ മഴക്കാലവും ഇന്ന് മലയാളികൾക്ക് ഒരു പേടിസ്വപ്നമാണ്. പ്രായവും ഉരുളപ്പൊട്ടലും വെള്ളപൊക്കവും തുടങ്ങി പ്രകൃതി ദുരന്തങ്ങൾ ഒന്നൊഴിയാതെ നമ്മുടെ നാട്ടിൽ നാശം വിതച്ച് പോകുന്നു. ഒന്നും ചെയ്യാനാകാതെ നിസ്സഹായനായി മനുഷ്യൻ പ്രാണനും കയ്യിൽ പിടിച്ച് ഓരോ ദുരന്തത്തിനും സാക്ഷിയായി മാറുന്നു. അപ്രതീക്ഷിതമായി എത്തുന്ന ദുരന്തത്തെ നമുക്ക് തടയാൻ കഴിയില്ല. എന്നാൽ വർഷങ്ങളായി ഒരു ദുരന്തം കാത്തിരിക്കുന്ന കുറെയേറെ ആളുകൾ കേരളത്തിലുണ്ട്.. അവരുടെ തലയ്ക്കു മുകളിൽ വാളായി തൂങ്ങുന്ന ഒരു ദുരന്തം.. മുല്ലപ്പെരിയാർ ഡാം..

കോടിക്കണക്കിന് ജനങ്ങളുടെ ആശങ്കകൾ ഭരണകൂടങ്ങളും ചെവി കൊടുക്കാതെ നിഷ്ക്രിയരായി തുടരുമ്പോൾ, ലോകം കണ്ടിട്ടില്ലാത്ത, സമാനതകളില്ലാത്ത മനുഷ്യ കുരുതിക്കാണ് നമ്മൾ കാത്തിരിക്കുന്നത്. ഭാഗ്യം ഒന്ന് കൊണ്ട് മാത്രം വഴിമാറി പോകുന്ന ദുരന്തം ഒരു ദിവസം വന്നെത്തുക തന്നെ ചെയ്യും. അതിന് മുൻപായി പ്രതികരിക്കാൻ ഒരു അവസരം.മുല്ലപ്പെരിയാർ വിഷയത്തിൽ ശാശ്വത പരിഹാരം കണ്ടെത്തി കേരളത്തിലെ ജനങ്ങളുടെ സുരക്ഷ ഉറപ്പാക്കയുന്നതിന് ഇന്ത്യൻ പ്രധാനമന്ത്രിക്ക് ഓൺലൈൻ പെറ്റീഷൻ സമർപ്പിക്കുകയാണ്. ഇതിന്റെ ഭാഗമായുള്ള ഒപ്പ് ശേഖരണം തുടരുന്നു. നിങ്ങൾക്കും ഈ മുന്നേറ്റത്തിൽ പങ്കാളിയാകാം.

https://www.change.org/p/hon-ble-prime-minister-of-india-mullaperiyar-dam-a-global-disaster-save-kerala-the-god-s-own-country?redirect=false എന്ന ലിങ്കിലൂടെ നിങ്ങളുടെ വോട്ടും രേഖപ്പെടുത്താം. എട്ടര ലക്ഷത്തിലധികം ആളുകൾ ഇതിനോടകം ഇതിൽ പങ്കാളികളായി കഴിഞ്ഞു. ഒത്തൊരുമിച്ച് നമുക്ക് ഈ മഹാദുരന്തത്തിനെതിരെ പോരാടാം..

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb