നഴ്സ് ഉള്‍പ്പെടെ കോവിഡ് ബാധിതരായ രണ്ട് മലയാളികള്‍ കൂടി വിദേശത്ത് മരിച്ചു

കോട്ടയം: നഴ്സ് ഉള്‍പ്പെടെ കോവിഡ് ബാധിതരായ രണ്ട് മലയാളികള്‍ കൂടി വിദേശത്ത് മരിച്ചു. കോട്ടയം സ്വദേശികളായ സെബാസ്റ്റ്യൻ, അനൂജ് കുമാർ എന്നിവരാണ് യുഎസിലും യുകെയിലുമായി മരിച്ചത്. കോട്ടയം വെളിയന്നൂർ സ്വദേശി അനൂജ് കുമാർ (44) ആണ് ലണ്ടനിൽ മരിച്ചത്. ഇവിടെ നഴ്സായ ഇദ്ദേഹം കോവിഡ് ബാധിച്ച് ചികിത്സയിലായിരുന്നു.

യുഎസിലെ ചിക്കാഗോയിലാണ് കോട്ടയം മാന്നാനം സ്വദേശി സെബാസ്റ്റ്യൻ (63) മരണപ്പെട്ടത്. പതിനൊന്ന് വർഷമായി കുടുംബത്തോടൊപ്പം ഡെസ്പ്ലെയിൻസിലാണ് താമസം. ചികിത്സയിലിരിക്കെ തന്നെയാണ് ഇദ്ദേഹത്തിന്‍റെയും മരണം സംഭവിച്ചത്. ഭാര്യ ജൈനമ്മ. ഏക മകൻ ജിതിൻ.

അതേസമയം ആഗോളതലത്തിൽ കോവിഡ് ബാധിച്ച് മരിച്ചവരുടെ എണ്ണം മുപ്പതു ലക്ഷം കടന്നിരിക്കുകയാണ്. യുഎസിലാണ് ഏറ്റവും കൂടുതൽ കേസുകള്‍ റിപ്പോർട്ട് ചെയ്തിരിക്കുന്നത്. ഇന്ത്യയിൽ ഇതുവരെ 29435 പേർക്കാണ് കോവിഡ് സ്ഥിരീകരിച്ചത്. 934 മരണങ്ങളും റിപ്പോർട്ട് ചെയ്യപ്പെട്ടിട്ടുണ്ട്.