ECB പലിശ നിരക്കുകളിൽ 0.25% വർദ്ധനവ്: ഗവേണിംഗ് കൗൺസിൽ യോഗത്തിന്റെ തീരുമാനം ഇന്ന്

യൂറോപ്യൻ സെൻട്രൽ ബാങ്ക് (ഇസിബി) ഇന്ന് ഫ്രാങ്ക്ഫർട്ടിൽ നടക്കുന്ന ഗവേണിംഗ് കൗൺസിൽ യോഗത്തിൽ പലിശ നിരക്ക് വീണ്ടും ഉയർത്തുമെന്ന് പ്രതീക്ഷിക്കുന്നു. യൂറോ മേഖലയിലെ പണപ്പെരുപ്പം നിയന്ത്രണവിധേയമാക്കാനുള്ള ശ്രമങ്ങൾ തുടരുന്നതിനാൽ, നിരക്കുകളിൽ 0.25% വർദ്ധനവ് വിപണികൾ പ്രതീക്ഷിക്കുന്നു. കഴിഞ്ഞ വർഷം ഈ ദിവസത്തിന് ശേഷമുള്ള ഒമ്പതാമത്തെ വർദ്ധനവാക്കും ഇന്നത്തേത്.

കഴിഞ്ഞ മാസം യൂറോ സോൺ പണപ്പെരുപ്പം 5.5% ആയിരുന്നു, മെയ് മാസത്തിലെ 6.1% ൽ നിന്ന് കുറഞ്ഞു.ഭക്ഷണം, മദ്യം, പുകയില എന്നിവയ്ക്ക് ജൂണിലെ ഏറ്റവും ഉയർന്ന വാർഷിക പണപ്പെരുപ്പ നിരക്ക് 11.6% ആയിരുന്നു. ഊർജ്ജേതര വ്യാവസായിക വസ്തുക്കൾ 5.5%, സേവനങ്ങൾ, ഊർജ്ജം എന്നിവയ്ക്ക് 5.4% നിരക്ക് വർധിച്ചു. ഇന്ന് 25 bps വർദ്ധനവ് നിലവിൽ വരുന്നത്തോടെ, പ്രധാന ഇസിബി ഡെപ്പോസിറ്റ് നിരക്ക് 3.75% ആയി മാറും.

നിരക്ക് 0.25% കൂടുന്നത് മോർട്ട്ഗേജ് ഹോൾഡർമാർക്ക് ഉയർന്ന വായ്പാ ചെലവിലേക്ക് നയിക്കും. Moneysherpa.ie പ്രകാരം, കഴിഞ്ഞ വർഷം ജൂണിലെ ശരാശരി ട്രാക്കർ മോർട്ട്ഗേജ് നിരക്ക് വെറും 1.15% ൽ നിന്ന് 5.4% ആയി വർധിക്കും. ഇതോടെ, ഒരു ശരാശരി ട്രാക്കറിന്റെ വില പ്രതിവർഷം 3182 യൂറോയും, മുഴുവൻ മോർട്ട്ഗേജ് കാലയളവിൽ 34994 യൂറോയും വർദ്ധിക്കും. ഇത് ബാധിക്കപ്പെടുന്നത് 130,000 ട്രാക്കർ മോർട്ട്ഗേജ് ഉപഭോക്താക്കൾക്ക് മാത്രമല്ല, 160,000 വേരിയബിൾ മോർട്ട്ഗേജ് ഹോൾഡർമാർക്കും ഹ്രസ്വകാല ഫിക്സഡ് റേറ്റുകളുള്ളവർക്കും നിരക്കുകൾ 5% ന് മുകളിലാകും.

ഉപഭോക്താക്കൾക്ക് ഇപ്പോഴും 3.9% ദീർഘകാല സ്ഥിരമായ നിരക്കുകൾ നിശ്ചയിക്കാനാകും. എന്നാൽ ഇന്നത്തെ ഏത് മാറ്റവും ബാങ്കുകളുടെയും മറ്റ് ധനകാര്യ സ്ഥാപനങ്ങളുടെയും മേൽ സമ്മർദ്ദം വർധിപ്പിച്ച് ഡെപ്പോസിറ്റ് ഉൽപന്നങ്ങൾക്ക് അവർ നൽകുന്ന നിരക്കുകൾ വർദ്ധിപ്പിക്കും.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Itv41RPHGZ0BL2tcOUGxIA