നിർമാണ മേഖലയിലെ തൊഴിലാളി ക്ഷാമം പരിഗണിച്ചു വിദേശ വിദഗ്ധ തൊഴിലാളികളെ തേടി ബ്രിട്ടൻ. ബിയർമാർ, റൂഫർമാർ, കാർപെന്റർ ഉൾപ്പെടെയുള്ള തൊഴിലിനെ ഷോർട്ടേജ് ഒക്യുപേഷൻ ലിസ്റ്റിൽ ഉൾപ്പെടുത്തി. ഇതോടെ വീസ ഇളവുകളുടെ സഹായത്തോടെ മലയാളികൾ ഉൾപ്പെടെയുള്ള വിദേശ ജോലിക്കാർക്ക് ബ്രിട്ടനിലെ നിർമാണ മേഖലയിലേക്ക് അനായാസം എത്താൻ സാധിക്കും.
ബ്രിട്ടനിലെ മൈഗ്രേഷൻ അഡ്വൈസറി കമ്മിറ്റി ഗവൺമെന്റിന് നൽകിയ ശുപാർശകൾ പ്രകാരമാണ് നിർമാണ മേഖലയിലെ നിർണായക തസ്തികകളെ ഷോർട്ടേജ് ഒക്യുപേഷൻ ലിസ്റ്റിൽ ഉൾപ്പെടുത്തിയത്. വിദേശത്ത് നിന്നും ജോലിക്കാരെ റിക്രൂട്ട് ചെയ്യാൻ കെട്ടിട നിർമാണ കമ്പനികൾക്ക് അനുമതി നൽകിയാണ് ഹോം ഓഫിസ് ഇത്തരം ജോലിക്കാർക്ക് നിയമങ്ങളിൽ ഇളവ് അനുവദിച്ചത്. ഇതു സംബന്ധിച്ച് മാർച്ച് മുതൽ ആരംഭിച്ച നീക്കങ്ങളാണ് കഴിഞ്ഞ ദിവസം മുതൽ പ്രാബല്യത്തിൽ വന്നത്.
സമ്പദ് വ്യവസ്ഥയെ ഊർജ്ജസ്വലമാക്കാനും പ്രധാന കെട്ടിടനിർമാണ പദ്ധതികളുടെ പൂർത്തീകരണത്തിനും ഇത്തരമൊരു നീക്കം സഹായിക്കും. നിർമാണ മേഖലയിലെ ക്ഷാമം പരിഹരിക്കാൻ ഈ മാറ്റം അനിവാര്യമാണെന്ന് ബിൽഡ് യുകെ ചീഫ് എക്സിക്യൂട്ടീവ് സൂസന്ന നിക്കോൾ പ്രതികരിച്ചു. സ്കൂളുകൾ, വീടുകൾ, ആശുപത്രികൾ ഉൾപ്പെടെ ആവശ്യമായ ഇൻഫ്രാസ്ട്രക്ചർ വികസനം സാധ്യമാക്കാൻ കഴിയുമെന്നും സൂസന്ന നിക്കോൾ കൂട്ടിച്ചേർത്തു.
യുകെയിലെ ഏറ്റവും കുറഞ്ഞ വാർഷിക ശമ്പള പരിധിയായ 20,480 പൗണ്ടായിരിക്കും (മാസം ഏകദേശം1,70,000 രൂപ) ഇവർക്ക് ശമ്പളമായി ലഭിച്ചേക്കുക. നിലവിൽ മറ്റ് വിദേശ ജോലിക്കാർക്ക് യുകെയിലേക്ക് വരാൻ സാധാരണയായി നൽകേണ്ട ചെലവുകൾ ആവശ്യം വരില്ല. ബ്രിട്ടനിലെ സ്പോൺസറുടെ ജോബ് ഓഫർ ലഭ്യമായാൽ ചെലവ് കുറഞ്ഞ വീസയായിരിക്കും ലഭ്യമാകുക. കൂടാതെ വീസ ആപ്ലിക്കേഷൻ ഫീസിൽ ഡിസ്കൗണ്ടും ലഭ്യമാകും.
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക.
https://chat.whatsapp.com/Itv41RPHGZ0BL2tcOUGxIA
അയർലണ്ടിലെ ഡബ്ലിൻ നഗരത്തിൽ താമസക്കാർക്ക് അനുവദിക്കുന്ന റെസിഡന്റ്സ് പാർക്കിങ് പെർമിറ്റിന്റെ നിരക്ക് 2027 ജനുവരി മുതൽ 30 ശതമാനം വർധിപ്പിക്കും.…
On Sunday, 6 December 2026, the Express Yourself – Christmas Multicultural Festival will bring together…
അയർലണ്ടിൽ 16, 17 വയസ്സുള്ള കൗമാരക്കാർക്ക് ഫൂഡ് -ബീവറേജ്സ് മേഖലയിൽ രാത്രി 11 മണിവരെ ജോലി ചെയ്യാൻ അനുമതി നൽകുന്ന…
ഡബ്ലിൻ: മലയാളി മനസ്സുകളെ സംഗീതത്തിന്റെ നാദധാരയിൽ കോർത്തിണക്കുന്ന വേൾഡ് മലയാളി ഫെഡറേഷന്റെ പുതിയ സംഗീത-ആസ്വാദക വേദിയായ 'WMF മെഹ്ഫിൽ ഇന്റർനാഷണലിന്റെ'…
അയർലണ്ടിൽ വിദേശ വിദ്യാർത്ഥികൾക്ക് പഠന വിസ അനുവദിക്കുന്നതിലെ നിയന്ത്രണങ്ങൾ രാജ്യത്തെ സർവകലാശാലകളുടെ സാമ്പത്തിക സ്ഥിതിയെ ബാധിക്കുന്നതായി വിദ്യാഭ്യാസ മേഖലയിലെ ഉന്നതർ.…
ഡബ്ലിൻ : നാലാം ശനിയാഴ്ചകളിൽ ഡബ്ലിനിൽ നടന്നുവരുന്ന Anointing Fire Bible Convention (മലയാളം), നവംബർ 28 ശനിയാഴ്ച Blessed…