കോഴിക്കോട്: കാന്സര് ചികിത്സാരംഗത്ത് ഏറ്റവും നൂതനമായ ഇന്റഗ്രേറ്റഡ് ഗ്യാസ്ട്രോ ഓങ്കോളജി ക്ലിനിക്ക് കോഴിക്കോട് ആസ്റ്റര് മിംസ് ആശുപത്രിയില്. വയറിനെ ബാധിക്കുന്ന കാന്സര് രോഗത്തിന് സമഗ്രവും സമ്പൂര്ണ്ണവുമായ ചികിത്സയാണ് കേരളത്തിലെ ആദ്യ ഇന്റഗ്രേറ്റഡ് ഗ്യാസ്ട്രോ ഓങ്കോളജി ഡിപ്പാര്ട്മെന്റിലൂടെ സാധ്യമാകുന്നത്. ക്ലിനിക്കിന്റെ ഉദ്ഘാടനം ഫെബ്രുവരി 18ന് രാവിലെ 10ന് കോഴിക്കോട് ടൗണ്ഹാളില് ദേശീയ അവാര്ഡ് ജേതാവും നടന് സലിംകുമാര് നിര്വഹിക്കും. ഗ്യാസ്ട്രോ എന്ററോളജി വിഭാഗം മേധാവി ഡോ. അനീഷ് കുമാര് ചടങ്ങില് അധ്യക്ഷത വഹിക്കും.
ഏറ്റവും വ്യാപകമായി കാണപ്പെടുന്നതും പൊതുവെ ഏറ്റവും സാവധാനം തിരിച്ചറിയപ്പെടുന്നതുമായ കാന്സറുകളാണ് വയറിനകത്ത് കാണപ്പെടുന്നവ. ലിവര്, പാന്ക്രിയാസ്, അന്നനാളം, പിത്താശയം, വന്കുടല്, മലാശയം, ചെറുകുടല് എന്നിവയെ ബാധിക്കുന്ന കാന്സറുകളാണ് ഗ്യാസ്ട്രോ വിഭാഗത്തില് പ്രധാനമായും ഉള്പ്പെടുന്നത്.
വിവിധ ഘട്ടങ്ങളിലായാണ് ഇന്റഗ്രേറ്റഡ് ഗ്യാസ്ട്രോ ഓങ്കോളജി ക്ലിനിക്കിന്റെ പ്രവര്ത്തനം തരംതിരിക്കപ്പെട്ടിരിക്കുന്നത്. രോഗ പ്രതിരോധമാണ് ഇതില് ആദ്യത്തെ ഘട്ടം. കാന്സറിന്റെ രോഗസാധ്യത നേരത്തെ തിരിച്ചറിഞ്ഞ് വരാതിരിക്കാനുള്ള ചികിത്സകളും ജീവിതശൈലി മാറ്റങ്ങളും നിര്ദ്ദേശിക്കലാണ് ഇതില് പ്രധാനമായും ഉള്പ്പെടുന്നത്.
നേരത്തെയുള്ള രോഗനിര്ണ്ണയമാണ് അടുത്ത ഘട്ടത്തില് ഉള്പ്പെടുന്നത്. ഹൈ ഡെഫിനിഷന് എന്റോസ്കോപ്പി, കൊളണോസ്കോപ്പി മുതലായ സംവിധാനങ്ങളുടെ സഹായത്തോടെയാണ് രോഗനിര്ണ്ണയം പൂര്ത്തീകരിക്കുന്നത്.
രോഗം തിരിച്ചറിഞ്ഞാല് ആവശ്യമായ ചികിത്സകളാണ് അടുത്ത ഘട്ടം. മരുന്ന് ഉപയോഗിച്ചുള്ള ചികിത്സ, താക്കോല്ദ്വാര ശസ്ത്രക്രിയ, റോബോട്ടിക് ശസ്ത്രക്രിയ തുടങ്ങിയ നൂതന രീതികളിലൂടെ കാന്സര് കോശങ്ങള് നീക്കം ചെയ്യുന്നു. ചിലരില് മൈക്രോവേവ് അബ്ലേഷന് എന്ന ചികിത്സയും ഫലപ്രദമായി ഉപയോഗിക്കാറുണ്ട്. രോഗത്തിന്റെ അവസ്ഥയ്ക്കനുസരിച്ച് റേഡിയേഷന് തെറാപ്പി, കീമോതെറാപ്പി മുതലായ ചികിത്സകളും ആവശ്യമായി വരുന്നു.
സമഗ്രമായ രീതിയില് ഗ്യാസ്ട്രോ കാന്സറുകളെ സമീപിക്കുവാന് സാധിക്കുന്ന മുഴുവന് ഡിപ്പാര്ട്ട്മെന്റുകളുടേയും വിദഗ്ദ്ധരായ ഡോക്ടര്മാരുടേയും സേവനമാണ് ഇന്റഗ്രേറ്റഡ് ഗ്യാസ്ട്രോ ഓങ്കോളജി ക്ലിനിക്കിന്റെ പ്രധാന സവിശേഷത. ഗ്യാസ്ട്രോ എന്ററോളജി വിഭാഗം, ഗ്യാസ്ട്രോ ഇന്റസ്റ്റൈനല് സര്ജറി വിഭാഗം, ലിവര് ട്രാന്സ്പ്ലാന്റ് വിഭാഗം, മെഡിക്കല് ഓങ്കോളജി, റേഡിയേഷന് ഓങ്കോളജി, റേഡിയോളജി വിഭാഗം, ന്യൂക്ലിയര് മെഡിസിന് വിഭാഗം തുടങ്ങിയ പ്രധാന വിഭാഗങ്ങളുടെ ഒരുമിച്ചുള്ള സേവനമാണ് ഈ വിഭാഗത്തില് ലഭ്യമാകുന്നത്. ഇന്റഗ്രേറ്റഡ് ഗ്യാസ്ട്രോ ഓങ്കോളജി വിഭാഗം എന്ന സങ്കല്പ്പം യാഥാര്ത്ഥ്യമാകുന്നതോടെ വയറിനകത്ത് ബാധിക്കുന്ന കാന്സര് ചികിത്സയില് വലിയ പരിവര്ത്തനങ്ങള്ക്ക് കാരണമാകുമെന്നാണ് വിലയിരുത്തപ്പെടുന്നത്.
ക്ലിനിക്കിന്റെ ഉദ്ഘാടനം സംബന്ധിച്ച് നടത്തിയ പത്രസമ്മേളനത്തില് ആസ്റ്റര് മിംസ് സി.ഇ.ഒ ഫര്ഹാന് യാസിന്, സി.എം.എസ് ഡോ. സൂരജ്, സി.ഒ.ഒ. സമീര് പി.ടി, ഗ്യാസ്ട്രോ എന്ററോളജി വിഭാഗം മേധാവി ഡോ. അനീഷ് കുമാര്, ഓങ്കോളജി വിഭാഗം മേധാവി ഡോ. കെ. വി ഗംഗാധരന്, ഡോ. ടോണി ജോസ് (സീണിയര് കണ്സല്ട്ടന്റ്, ഗ്യാസ്ട്രോ എന്ററോളജി) ഗ്യാസ്ട്രോ ഓങ്കോളജി-ലിവര് ട്രാന്സ്പ്ലാന്റ് സര്ജന്മാരായ ഡോ. സജീഷ് സഹദേവന്, ഡോ. നൗഷിഫ്, എന്നിവര് സംസാരിച്ചു.
സൂപ്പർ വൈസിങ് അക്കൗണ്ടിനുള്ളിൽ തന്നെ മാതാപിതാക്കൾക്ക് സമയപരിധി നിശ്ചയിക്കാനോ YouTube ഷോർട്ട്സ് ഫീഡ് പൂർണ്ണമായും ഓഫാക്കാനോ അനുവദിക്കുന്ന പുതിയ നിയന്ത്രണ…
ഐറിഷ് റോഡുകളിലെ ഓരോ 15 വാഹനങ്ങളിലും ഒന്ന് ഇൻഷുറൻസ് ഇല്ലാത്തതോ രജിസ്റ്റർ ചെയ്യാത്തതോ ആണെന്ന് പുതിയ റിപ്പോർട്ട് സൂചിപ്പിക്കുന്നു. ഐറിഷ്…
ഡാളസ്: പ്രശസ്ത ക്രൈസ്തവ പ്രസംഗകനും ഗാനരചയിതാവുമായിരുന്ന സാധു കൊച്ചുഞ്ഞ് ഉപദേശിയുടെ സ്മരണാർത്ഥം "സ്വർഗീയ നാദം" സംഘടിപ്പിക്കുന്ന 'സാധു കീർത്തനം' ലൈവ്…
ഫ്ലോറിഡ: ഫ്ലോറിഡയിലെ ലീസ്ബെർഗിൽ ഒരു സ്ത്രീയെ ആക്രമിച്ച നായയെ വെടിവയ്ക്കാൻ ശ്രമിക്കുന്നതിനിടെ നായയുടെ ഉടമസ്ഥൻ വെടിയേറ്റ് മരിച്ചു.43 വയസ്സുകാരനായ മാത്യു…
ഫ്ലോറിഡ: അമേരിക്കയിലെ ഫ്ലോറിഡയിൽ ശസ്ത്രക്രിയയ്ക്കിടെ സംഭവിച്ച ഞെട്ടിക്കുന്ന പിഴവിൽ ഡോക്ടർക്കെതിരെ നിയമനടപടി. 2024 ഓഗസ്റ്റിൽ നടന്ന ശസ്ത്രക്രിയയ്ക്കിടെ അലബാമ സ്വദേശിയായ…
മിസ്റ്ററി ത്രില്ലർ ജോണറിൽ യുവനിരയെ അണിനിരത്തി സുവിൻ. എസ് സോമശേഖരൻതിരക്കഥ രചിച്ച് സംവിധാനം ചെയ്യുന്ന പുതിയ ചിത്രത്തിൻ്റെ ചിത്രീകരണം ഏപ്രിൽ…