ഹ്യൂസ്റ്റൺ : സന്യാസ ജീവിത സമർപ്പണത്തിന്റെ അമ്പതു വർഷങ്ങൾ പിന്നിടുന്ന ബഹുമാനപ്പെട്ട സിസ്റ്റർ ശാന്തി പുരയിടത്തിൽ ഡിഎംന്റെ സുവർണ ജൂബിലി ആഘോഷങ്ങൾ ഹൂസ്റ്റൺ സെന്റ് പീറ്റേഴ്സ് മലങ്കര കത്തോലിക്ക ദേവാലയത്തിൽ മെയ് 14 ഞായറാഴ്ച്ച നടത്തപ്പെട്ടു. അമേരിക്ക- കാനഡ ഭദ്രാസന അദ്ധ്യക്ഷൻ അഭിവന്ന്യ ഡോ .ഫീലിപ്പോസ് മാർ സ്തേഫാനോസ് മെത്രാപോലിത്ത വിശുദ്ധ കുർബാന അർപ്പിക്കുകയും സന്ദേശം നൽകുകയും ചെയ്തു.
മുൻ വികാരി ഫാ. ജോസഫ് കണ്ണംകുളം , വികരി ഫാ. ബിന്നി ഫിലിപ്പ് എന്നിവർ സഹകർമ്മികരായിരുന്നു. തുടർന്ന് നടന്ന അനുമോദന സമ്മേളനം മിസോറി സിറ്റി മേയർ റോബിൻ ഇലക്കാട്ട് ഉദ്ഘാടനം ചെയ്തു. ചടങ്ങിൽ ഡിഎം സന്യാസിനി സമൂഹം കോർഡിനേറ്റർ സിസ്റ്റർ ലീനസ്, തോമസ് ജോർജ് , നിക്കോളാസ് ജോൺ,ജെയിംസ് കൂടൽ തുടങ്ങിയവർ ആശംസകൾ അർപ്പിച്ച് സംസാരിയ്ക്കുകയും ജോൺ ഫിലിപ്പ് ഉപഹാരം സമർപ്പിക്കുകയും ചെയ്തു. മെയ് 9 ന് ജന്മദിനം ആഘാഷിച്ച അഭിവന്ദ്യ സ്തേഫാനോസ് പിതാവിന് മേയർ റോബിൻ ഇലക്കാട്ട് പ്രത്യക അനുമോദന പത്രിക സമർപ്പിച്ച് ആദരിച്ചു.
ദൈവവഴിയിലെ വേറിട്ട വ്യക്തിത്വമാണ് സിസ്റ്റര് ശാന്തി പുരയിടത്തില്. പാലാ മല്ലികശ്ശേരി പുരയിടത്തിൽ തോമസ്- മറിയാമ്മദമ്പതികളുടെ മകളായി ജനിച്ച സിസ്റ്റർ ശാന്തി 1973 ൽ Daughters of Mary സന്യാസിനി സമൂഹം അംഗമായിസമർപ്പണ ജീവതം ആരംഭിച്ചു. നഴ്സിംഗ് പഠനത്തിന് ശേഷം അഞ്ചൽ , ഡമാസ്കസ്ഡാ , പെൻസിൽവാനിയ , മിഷിഗൺ എന്നിവടങ്ങളിൽ ശുശ്രൂഷ നിർവഹിച്ചു. 2021 ൽ ഹൂസ്റ്റണിൽ മഠം ആരംഭിച്ചപ്പോൾ അതിലെ അംഗമായി ശുശ്രൂഷ നിർവഹിച്ചു
മുപ്പതുവര്ഷക്കാലം ആതുരസേവന രംഗത്തെ നിറസാന്നിധ്യവുമായിരുന്നു സിസ്റ്റര്. ഏവര്ക്കും പ്രിയങ്കരിയായ സിസ്റ്ററുടെ സുവര്ണജൂബിലി ആഘോഷത്തിന് നിരവധിയാളുകളാണ് പങ്കെടുത്തത്.
ഇതോടൊപ്പം സമ്മേളനത്തിൽ പങ്കെടുത്ത സന്യാസ സഭാ സമർപ്പണ ജീവിതത്തിൽ 25 വര്ഷം പിന്നിടുന്ന സിസ്റ്റർ അമല ഡിഎംനു രജതജൂബിലി ആശംസകളും നേർന്നു. തൃശൂർ പുതുക്കാട് തെക്കുംപുറം കുടുംബത്തിൽ ജോസ് മാഗി ദമ്പതികളുടെ മകളായി ജനിച്ച സിസ്റ്റർ അമല 2001 ൽ നഴ്സിംഗ് പഠനം പൂർത്തിയാക്കി. 2004 ൽ യൂഎസ്എ ഡിട്രോയിട്ടിൽ 16 വര്ഷം സേവനം ചെയ്ത ശേഷം ഇപ്പോൾ ഗ്രീൻസ്ബർഗിൽ നഴ്സായി പ്രവർത്തിച്ച് ആതുരസേവനരംഗത്ത് സജീവമായ സിസ്റ്റർ അമല സഭാ സേവനത്തിലും മികവുറ്റ പ്രവർത്തനങ്ങൾ നടത്തി വരുന്നു.
ചടങ്ങില് മാതൃദിനാഘോഷ പരിപാടികളും സംഘടിപ്പിച്ചു.
ആഘോഷ പരിപാടികൾക്ക് ഇടവക ട്രസ്റ്റി സാലു സാമുവേൽ, സെക്രട്ടറി അലക്സ് ബിനു എന്നിവർ നേതൃത്വം നൽകി.
ജോണ് ഫിലിപ്പ്, ജോര്ജ് ശാമുവേല് എന്നിവര് സമ്മാനങ്ങള് നല്കി.
കെസിയ സജു, സയാന സജു എന്നിവര് പ്രാര്ത്ഥനാഗീതം ആലപിച്ചു. ഹെലന് റോബിന് എംസിയായിരുന്നു.
ജീമോൻ റാന്നി
GNN NEWS IRELAND നിന്നുള്ള പ്രധാന വാര്ത്തകളും, ബ്രേക്കിംഗ് ന്യൂസുകളും വാട്സാപ്പില് ലഭിക്കുവാന് താഴെയുള്ള ലിങ്കില് ക്ലിക്ക് ചെയ്ത് ജോയിന് ചെയ്യുക
Follow this link to join my WhatsApp group: https://chat.whatsapp.com/BhPDTny97p6JYunSO4wSHL
ജോർജിയ: വിവാഹദിനത്തിൽ ഹെലികോപ്ടർ തകർന്ന് മലയാളിയായ നവവരനും പൈലറ്റും മരിച്ചു. അമേരിക്കയിലെ ജോർജിയയിലുള്ള ഡോസൺ കൗണ്ടിയിലാണ് അപകടം. മൂവാറ്റുപുഴ കടവാക്കുഴി…
നിത്യജീവിതത്തിൽ പഞ്ചസാര പൂർണ്ണമായി ഒഴിവാക്കാനാവാത്ത ഭക്ഷണമാണ്. എന്നാൽ, അമിതമായ പഞ്ചസാരയുടെ അളവ് കുറയ്ക്കുന്നത് ശരീരഭാരം കുറയ്ക്കാനും ഉപാപചയ ആരോഗ്യം മെച്ചപ്പെടുത്താനും…
ഹ്രസ്വകാല വിസ നിരസിക്കലുകൾക്ക് അപ്പീൽ നൽകാനുള്ള അവകാശം സർക്കാർ നീക്കം ചെയ്തു. ഷോർട്ട് സ്റ്റേ ടൈപ്പ് സി വിസ ആളുകൾക്ക്…
ഡബ്ലിന് : ലൂക്കനില് മലയാളി യുവാവ് ഹൃദയസ്തംഭനത്തെ തുടര്ന്ന് മരിച്ചു. ലൂക്കന് ബാലിയോവന് അബിഡെയ്ല് റൈസിലെ രാജു കുര്യാക്കോസിന്റെ മകന്…
സെൻട്രൽ സ്റ്റാറ്റിസ്റ്റിക്സ് ഓഫീസ് പ്രസിദ്ധീകരിച്ച പണപ്പെരുപ്പ കണക്കെടുപ്പ് പ്രകാരം, ഏപ്രിൽ മുതൽ മെയ് വരെയുള്ള കാലയളവിൽ അയർലണ്ടിലെ ഊർജ്ജ വില…
ഡബ്ലിൻ കനോലി സ്റ്റേഷനും ബ്രേയ്ക്കും ഇടയിലുള്ള എഞ്ചിനീയറിംഗ് ജോലികൾ കാരണം ബാങ്ക് ഹോളിഡേ വാരാന്ത്യത്തിൽ തടസ്സങ്ങൾ ഉണ്ടാകുമെന്ന് റെയിൽ യാത്രക്കാർക്ക്…