കോവിഡ് -19 രോഗശാന്തിയിലേക്ക് നയിച്ചേക്കാവുന്ന കണ്ടെത്തലിന് ഇന്ത്യ-അമേരിക്കൻ സ്വദേശിനിക്ക് 25,000 ഡോളർ സമ്മാനം ലഭിച്ചു

വാഷിംഗ്ടൺ: കൊറോണ വൈറസിന് ചികിത്സ കണ്ടെത്തുന്നതിനായി നടത്തിയ ഗവേഷണത്തിന് 25,000 ഡോളർ സമ്മാനം ലഭിച്ച് ഇന്ത്യക്ക് അഭിമാനമായി അനിക ചെബ്രോലു. അനിക അമേരിക്കൻ സ്വദേശിനിയാണ്. ടെക്സാസിൽ ആണ് താമസം. കോവിഡ് -19 ചികിത്സിക്കാൻ സാധ്യതയുള്ള മരുന്നിനെക്കുറിച്ചുള്ള പ്രവർത്തനത്തിനാണ് അനിക ചെബ്രോലു എന്ന 14 കാരിക്ക് സമ്മാനം ലഭിച്ചത്. 2020 3എം യംഗ് സയന്റിസ്റ്റ് ചലഞ്ചിലാണ് അനിക വിജയം കൈവരിച്ചത്.

കൊറോണ വൈറസിന്റെ ഒരു പ്രത്യേക പ്രോട്ടീനുമായി ബന്ധിപ്പിച്ച് പ്രവർത്തിക്കുന്നത് തടയാൻ കഴിയുന്ന തന്മാത്രയാണ് ഈ എട്ടാം ക്ലാസുകാരി വികസിപ്പിച്ചെടുത്തത്. വൈറസിനെ പ്രതിരോധിക്കാൻ സാധ്യതയുള്ള മരുന്ന് കണ്ടെത്തുന്നതിന്, അനിക SARS-CoV-2 വൈറസുമായി തന്മാത്ര എങ്ങനെ, എവിടെ ബന്ധിപ്പിക്കുമെന്ന് തിരിച്ചറിയാൻ ഒന്നിലധികം കമ്പ്യൂട്ടർ പ്രോഗ്രാമുകൾ ഉപയോഗിച്ചു.

വൈറസിന്റെ സ്പൈക്ക് പ്രോട്ടീനുമായി പ്രത്യേകമായി ബന്ധിപ്പിക്കാൻ കഴിയുന്ന ഒരു തന്മാത്ര കണ്ടെത്താൻ അനിക ഇൻ-സിലിക്കോ രീതി ഉപയോഗിച്ചു. എന്നാൽ അനികയുടെ ഗവേഷണം ഒരു തത്സമയ മോഡലിൽ പരീക്ഷിച്ചിട്ടുണ്ടോ എന്ന് വ്യക്തമല്ല.

ഒരു ദിവസം മെഡിക്കൽ ഗവേഷകനും പ്രൊഫസറുമായിരിക്കുമെന്ന് പ്രതീക്ഷിക്കുന്ന അനിക, മുത്തച്ഛനാണ് ശാസ്ത്രത്തോടുള്ള തന്റെ താൽപ്പര്യത്തിന് പ്രചോദനമായെന്നും പറഞ്ഞു.