മൂന്ന് കുടുംബാംഗങ്ങളെ കൊലപ്പെടുത്തിയ കേസിൽ ഇന്ത്യൻ അമേരിക്കൻ യുവാവ് അറസ്റ്റിൽ -പി പി ചെറിയാൻ

ട്രെന്റൺ, ന്യൂജേഴ്‌സി : മൂന്ന് കുടുംബാംഗങ്ങളെ കൊലപ്പെടുത്തിയ കേസിൽ 23കാരനായ ഇന്ത്യൻ അമേരിക്കക്കാരനെ അറസ്റ്റ് ചെയ്യുകയും കുറ്റം ചുമത്തുകയും ചെയ്തതായി പോലീസ് അറിയിച്ചു.

നവംബർ 27 ന് ദിലീപ്കുമാർ ബ്രഹ്മഭട്ട് (72), ബിന്ദു ബ്രഹ്മഭട്ട് (72), മകൻ യഷ്കുമാർ ബ്രഹ്മഭട്ട് (38) എന്നിവരെ കൊലപ്പെടുത്തിയ കേസിലാണ് എൻജെ സൗത്ത് പ്ലെയിൻഫീൽഡിലെ ഓം ബ്രഹ്മഭട്ടിനെ കസ്റ്റഡിയിലെടുത്തത്.

നവംബർ 27 ന് ഏകദേശം 9 മണിക്ക് വെടിയുതിർത്തതായി റിപ്പോർട്ട് ചെയ്യപ്പെട്ടതിനെ തുടർന്ന് സൗത്ത് പ്ലെയിൻഫീൽഡിലെ കൊപ്പോള ഡ്രൈവിലെ ഒരു വസതിയിൽ അധികൃതർ എത്തിയതായി മിഡിൽസെക്സ് കൗണ്ടി പ്രോസിക്യൂട്ടർ ഓഫീസ് പ്രസ്താവനയിൽ പറഞ്ഞു. തുടർന് നടന്ന പരിശോധനയിൽ, ഇരകളായ മൂന്ന് പേരെയും ഇരകൾക്കൊപ്പം താമസിച്ചിരുന്ന ഓമിനെയും ഉദ്യോഗസ്ഥർ കണ്ടെത്തി. വെടിയേറ്റ ദിലീപ്കുമാറും ബിന്ദു ബ്രഹ്മഭട്ടും സംഭവസ്ഥലത്ത് വെച്ച് തന്നെ മരിച്ചിരുന്നു. യഷ്കുമാർ ബ്രഹ്മഭട്ടിനെ ഒന്നിലധികം തവണ വെടിയേറ്റ് ആശുപത്രിയിൽ പ്രവേശിപ്പിച്ചു, അവിടെ വെച്ച് അദ്ദേഹം മരണത്തിന് കീഴടങ്ങുകയായിരുന്നു.

കിടപ്പുമുറിയിൽ ഉറങ്ങുമ്പോൾ മുത്തശ്ശനെയും മുത്തശ്ശിനിയും വെടിവെച്ചുകൊന്നതായി പ്രതി സമ്മതിച്ചതായി സൗത്ത് പ്ലെയിൻഫീൽഡ് പോലീസ് ഡിപ്പാർട്ട്‌മെന്റ് പരാതിയിൽ പറയുന്നു. പിന്നീട് അയാൾ ഒരു പിന്നിലെ കിടപ്പുമുറിയിലേക്ക് പോയി, അമ്മാവനെ പലതവണ വെടിവച്ചുവെന്ന് പരാതിയിൽ പറയുന്നു. ഒരു കൈത്തോക്ക് ഉപയോഗിച്ചാണ് കുറ്റകൃത്യം ചെയ്തതെന്ന് ബ്രഹ്മഭട്ട് പറയുന്നു.

ഫസ്റ്റ് ഡിഗ്രി കൊലപാതകം, നിയമവിരുദ്ധമായ ആവശ്യത്തിനായി ആയുധം കൈവശംവച്ചു, രണ്ടാം ഡിഗ്രി എന്നീ മൂന്ന് കുറ്റങ്ങളാണ് ഓമിനെതിരെ ചുമത്തിയിരിക്കുന്നത്.

നിലവിൽ മിഡിൽസെക്‌സ് കൗണ്ടി അഡൾട്ട് കറക്ഷണൽ സെന്ററിൽ തടവിൽ കഴിയുന്ന അദ്ദേഹം നവംബർ 28ന് കോടതിയിൽ ഹാജരായി.

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb