പാലാ സെന്റ് തോമസ് കോളജിൽ വിദ്യാർഥിനിയെ സഹപാഠി കഴുത്തറുത്ത് കൊന്നു

കോട്ടയം: പ്രണയം നിരസിച്ചതിന്റെ പേരിൽ കോളജ് വിദ്യാർഥിനിയെ സഹപാഠിയായ യുവാവ് പേപ്പർ കട്ടർ കത്തി ഉപയോഗിച്ച് കഴുത്തറത്തു കൊന്നു. ഇന്നു രാവിലെയാണ് സംഭവം. പാലാ സെന്റ് തോമസ് കോളജ് വിദ്യാർഥിനി തലയോലപ്പറമ്പ് സ്വദേശി നിഥിന മോളാണ് കൊല്ലപ്പെട്ടത്. കൊല നടത്തിയ സഹപാഠി വള്ളിച്ചറ സ്വദേശി അഭിഷേകിനെ പൊലീസ് കസ്റ്റഡിയിൽ എടുത്തു.

കോളജിന്റെ പരിസരത്തു വച്ച് നിഥിനയെ പേപ്പർ കട്ടർ കത്തി കൊണ്ട് അഭിഷേക് കഴുത്തറുക്കുകയായിരുന്നു. സാരമായി പരുക്കേറ്റ നിഥിനയെ സമീപത്തെ സ്വകാര്യ ആശുപത്രിയിൽ ഉടനെ എത്തിച്ചെങ്കിലും അൽപസമയത്തിനുള്ളിൽ മരണപ്പെടുകയായിരുന്നു.