ഭാര്യയെയും മകനെയും കൊലപ്പെടുത്തി യുവാവ് ആത്മഹത്യ ചെയ്തു

തിരുവനന്തപുരം: ഭാര്യയെയും മകനെയും കൊലപ്പെടുത്തി യുവാവ് ആത്മഹത്യ ചെയ്തു. കഴക്കൂട്ടം കുളത്തൂർ സ്വദേശി സുരേഷ് (35), ഭാര്യ സിന്ധു (33), മകൻ ഷാരോൺ (9) എന്നിവരെയാണ് വാടക വീട്ടിനുള്ളിൽ മരിച്ച നിലയിൽ കണ്ടത്.

സിന്ധുവിനെയും ഷാരോണിനെയും കഴുത്ത് ഞെരിച്ച് കൊലപ്പെടുത്തിയ ശേഷം സുരേഷ് തൂങ്ങി മരിക്കുകയായിരുന്നു. കട ബാധ്യതയാണ് ആത്മഹത്യക്ക് കാരണമെന്ന് ബന്ധുക്കൾ പറഞ്ഞു. ഫോറൻസിക് പരിശോധന ഉൾപ്പെടെ നടത്തുമെന്ന് കഴക്കൂട്ടം പൊലീസ് അറിയിച്ചു.