“അബ്രഹാം ഓസ്‌ലർ”; മിഥുൻ മാനുവൽ തോമസിന്റെ ചിത്രം, “ജയറാം” നായകൻ

അഞ്ചാം പാതിരായുടെ കലാപരവും സാമ്പത്തികവുമായ വൻ വിജയത്തിനു ശേഷം മിഥുൻ മാനുവൽ തോമസ്  സംവിധാനം ചെയ്യുന്ന പുതിയ ചിത്രമാണ് അബ്രഹാം ഓസ് ലർ.
മെഡിക്കൽ ക്രൈംത്രില്ലർ ജോണറിലൂടെ അവതരിപ്പിക്കുന്ന ഈ ചിത്രത്തിന്റെ ചിത്രീകരണം മെയ് ഇരുപത് ശനിയാഴ്ച്ച തൃശൂരിൽ ആരംഭിക്കുന്നു.

ഈ ചിത്രമുൾപ്പടെ മൂന്നു ത്രില്ലർ സിനിമകളാണ്  മിഥുൻ മാനുവൽ തോമസ്സിന്റേതായി ചിത്രീകരണം നടന്നു വരുന്നത്. നവാഗതനായ വിഷ്ണു ഭരതൻ സംവിധാനം ചെയ്യുന്ന വിന്റേജ് ഹൊറർ ചിത്രമായ ഫീനിക്സ് ,  അരുൺ വർമ്മ സംവിധാനം ചെയ്യുന്ന ലീഗൽ ക്രൈം ത്രില്ലറായ , സുരേഷ് ഗോപി – ബിജു മേനോൻ കോമ്പിനേഷനിലെ മൾട്ടി സ്റ്റാർ ചിത്രമായ ഗരുഡൻ എന്നീ ചിത്രങ്ങളാണിവ.
ഫീനിക്സ് , ഗരുഡൻ എന്നീ ചിത്രങ്ങളുടെ തിരക്കഥ ഒരുക്കിയിരിക്കുന്നത് മിഥുനാണ്.
അങ്ങനെ ഒരേ സമയം മൂന്നു ചിത്രങ്ങളുടെ അമരക്കാരനായിരിക്കുകയാണ് മിഥുൻ മാനുവൽ തോമസ്.

ഈ മൂന്നു ചിത്രങ്ങളും ത്രില്ലർ വിഭാഗത്തിലുള്ളതാണ് എന്നത് മറ്റൊരു പ്രത്യേകതയാണ്.
അഞ്ചാം പാതിരാക്കു ശേഷം അൽപ്പം ഇടവേള കഴിഞ്ഞ് ശക്തമായ കടന്നുവരവാണ്. മിഥുൻ നടത്തിയിരിക്കുന്നത്. നേരമ്പോക്കിന്റെ ബാനറിൽ ഇർഷാദ് എം.ഹസ്സനും മിഥുൻ മാനുവൽ തോമസ്സ്യം ചേർന്നാണ് ഈ ചിത്രം നിർമ്മിക്കുന്നത്.
ജയറാമാണ് അബ്രഹാം ഓസ്‌ലർ എന്ന ടൈറ്റിൽ റോൾ കഥാപാത്രത്തെ അവതരിപ്പിക്കുന്നത്.
ജയറാം എന്ന നടന്റെ അഭിനയ ജീവിതത്തിന് നിർണ്ണായകമായ വഴിത്തിരിവാകുന്ന ചിത്രമായിരിക്കും ഇതിലെ അബ്രഹാം ഓസ് ലർ.
മെയിൻ സ്ടീം സിനിമയിൽ ജയറാമിന്റെ അതിശക്തമായ സാന്നിദ്ധ്യമായിരിക്കും. ഈ ചിത്രം.
അർജുൻ അശോക്, ജഗദീഷ്, സായ് കുമാർ, ദിലീഷ് പോത്തൻ, അനശ്വരരാജൻ, സെന്തിൽ കൃഷ്ണ ആര്യ സലിം, അർജുൻ നന്ദകുമാർ, അസീം ജമാൽ, എന്നിവരും പ്രധാന വേഷങ്ങളിലുണ്ട്.
രചന – ഡോക്ടർ രൺധീർ കൃഷ്ണൻ.
സംഗീതം – മിഥുൻ മുകുന്ദ്.
ഛായാഗഹണം – തേനി ഈശ്വർ .
എഡിറ്റിംഗ് – സൈജു ശ്രീധർ.
കലാസംവിധാനം – ഗോകുൽദാസ്.
എക്സിക്കുട്ടീവ് പ്രൊഡ്യൂസർ – ജോൺ മന്ത്രിക്കൽ.
ലൈൻ പ്രൊഡ്യൂസർ – സുനിൽ സിംഗ്.
പ്രൊഡക്ഷൻ എക്സിക്കുട്ടീവ് – പ്രസാദ് നമ്പ്യാങ്കാവ്.
പ്രൊഡക്ഷൻ കൺടോളർ – പ്രശാന്ത് നാരായണൻ.
തൃശൂർ, കോയമ്പത്തൂർ, വയനാട് എന്നിവിടങ്ങളിലായി ഈ ചിത്രത്തിന്റെ ചിത്രീകരണം പൂർത്തിയാകും.

വാഴൂർ ജോസ്.

GNN MOVIE NEWS  നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക

Follow this link to join my WhatsApp group: https://chat.whatsapp.com/BhPDTny97p6JYunSO4wSHL