കൊച്ചി: ദുല്‍ഖര്‍ സല്‍മാന് പിന്നാലെ ആന്റണി പെരുമ്പാവൂര്‍, ദിലീപ് അടക്കമുള്ളവര്‍ക്കെതിരേ നടപടിക്കൊരുങ്ങി തീയറ്റര്‍ ഉടമകളുടെ സംഘടയായ ഫിയോക്ക്. സിനിമകള്‍ തുടര്‍ച്ചയായി ഒടിടി റിലീസ് ചെയ്യുന്നതാണ് ഫിയോക്കിനെ പ്രകോപിച്ചത്. ഇത്തരക്കാരെ വിലക്കണമെന്നും സംഘടനാ ഭാരവാഹികളാക്കരുതെന്നും തീയറ്റര്‍ ഉടമകള്‍ പറയുന്നു. സല്യൂട്ട് എന്ന സിനിമ തീയറ്റര്‍ റിലീസിന് വാഗ്ദാനം ചെയ്തശേഷം നേരത്തെ ദുല്‍ഖര്‍ സിനിമ ഒടിടിയില്‍ റിലീസ് ചെയ്തുവെന്നാണ് സംഘടന ആരോപിക്കുന്നത്‌. ഇതേതുടര്‍ന്നാണ് ദുല്‍ഖറിനെ വിലക്കണമെന്ന പൊതുഅഭിപ്രായം ഫിയോക്കിന്റെ എക്‌സിക്യൂട്ടീവ് കമ്മിറ്റിയില്‍ ഉയര്‍ന്നുവന്നത്. ഈ വിഷയം 31ന് ചേരുന്ന ജനറല്‍ ബോഡിയില്‍ ചര്‍ച്ച ചെയ്യാനിരിക്കെയാണ് സംഘടനയുടെ ആജീവനാന്ത ചെയര്‍മാനായ ദിലീപ്, ആജീവനാന്ത വൈസ് ചെയര്‍മാനായ ആന്റണി പെരുമ്പാവൂര്‍ എന്നിവര്‍ക്കെതിരേ നടപടിക്ക് നീക്കങ്ങള്‍ ആരംഭിച്ചത്.
ഇവരെ രണ്ടുപേരെയും എന്തുകൊണ്ട് വിലക്കുന്നില്ലെന്ന ചോദ്യം സംഘടനയ്ക്കുള്ളില്‍ ഉയര്‍ന്നതിന് പിന്നാലെയാണ് ജനറല്‍ ബോഡിയില്‍ വിഷയം ചര്‍ച്ച ചെയ്യാന്‍ സംഘടനാ ഭാരവാഹികള്‍ തീരുമാനിച്ചത്. രണ്ടുപേരെയും സംഘടനയുടെ തലപ്പത്തുനിന്ന് മാറ്റണമെന്ന പൊതുവികാരവും ഫിയോക്കിനുള്ളിലുണ്ട്. ഇതിനായി സംഘടനയുടെ ഭരണഘടന ഭേദഗതി ചെയ്യാനുള്ള നീക്കവും നടക്കുന്നുണ്ട്. അജീവനാന്ത ചെയര്‍മാനും വൈസ് ചെയര്‍മാനുമായ ദിലീപിനേയും ആന്റണി പെരുമ്പാവൂരിനേയും മാറ്റണമെങ്കില്‍ ഭരണഘടനയില്‍ മാറ്റംവരുത്തേണ്ടതും അനിവാര്യമാണ്.
ഫിയോക്കിനെ തള്ളി ആന്റണി പെരുമ്പാവൂര്‍ രംഗത്തെത്തി. ഫിയോക്കില്‍ താന്‍ നിലവില്‍ അംഗമല്ലെന്നും പുറത്താക്കാന്‍ ഒരുങ്ങുന്നവര്‍ താന്‍ ചെയ്ത തെറ്റെന്താണെന്ന് വിശദീകരിക്കണമെന്നും അദ്ദേഹം മാതൃഭൂമി ന്യൂസിനോട് പറഞ്ഞു. മരയ്ക്കാര്‍ റിലീസുമായി ബന്ധപ്പെട്ട് അന്റണി പെരുമ്പാവൂരും ഫിയോക്കും തമ്മില്‍ നേരത്തെ വലിയ തര്‍ക്കങ്ങള്‍ നിലനിന്നിരുന്നു. ഇതിനുപിന്നാലെയാണ് അദ്ദേഹം രാജിവച്ചത്.
ആർട്ടിഫിഷ്യൽ ഇന്റലിജൻസ് (AI) മേഖലയിലെ വൻ നിക്ഷേപങ്ങൾക്കും ചെലവ് നിയന്ത്രണത്തിനുമിടയിൽ ജീവനക്കാർക്ക് സ്വമേധയാ ജോലി വിടുന്നതിനുള്ള സാമ്പത്തിക പാക്കേജ് വാഗ്ദാനം…
ഹാലോവീൻ ആഘോഷങ്ങൾ അടുത്തിരിക്കെ, സുരക്ഷിതമല്ലാത്ത പടക്കങ്ങൾ വിപണിയിൽ വ്യാപകമായി ലഭിക്കുന്നതിനെതിരെ മുന്നറിയിപ്പുമായി അയർലണ്ടിലെ ഗാർഡ (Gardaí). ശക്തിയേറിയ പടക്കങ്ങളും തകരാറുള്ള…
അയർലണ്ടിൽ സൗജന്യമായി ജിപിയെ (GP) കാണാനുള്ള അർഹതയുണ്ടോ എന്ന് പൊതുജനങ്ങൾക്ക് എളുപ്പത്തിൽ പരിശോധിക്കാനായി പുതിയ ഓൺലൈൻ കാൽക്കുലേറ്റർ അവതരിപ്പിച്ച് ഹെൽത്ത്…
അയർലണ്ടിലെ മോർട്ട്ഗേജ് വിപണിയിൽ വൻ മുന്നേറ്റം. ആദ്യമായി വീട് വാങ്ങുന്നവർക്കായി അനുവദിച്ച മോർട്ട്ഗേജുകളുടെ എണ്ണം 2008ന് ശേഷമുള്ള ഏറ്റവും ഉയർന്ന…
സ്റ്റോം ബൊയ്ലോയുടെ (Storm Boelo) ആഘാതം പൂർണമായി മാറുംമുമ്പ് അയർലണ്ടിന്റെ വിവിധ ഭാഗങ്ങളിൽ വീണ്ടും കനത്ത മഴയ്ക്കും ശക്തമായ കാറ്റിനുമുള്ള…
മനോഹരമായ ഒരു ബംഗ്ളാവിലെ ഡൈനിംഗ് ടേബിളിൽ ഇരുവശത്തും കത്തി നിൽക്കുന്ന കാൻഡിലുകൾക്കു നടുവിലായി ഓവർകോട്ട് ധരിച്ച് ഉയർത്തിപ്പിടിച്ച വൈൻ ഗ്ലാസ്സുമായി…