“കാണെക്കാണെ” ചിത്രീകരണം ആരംഭിച്ചു

“ഉയരെ” എന്ന ചിത്രത്തിൻ്റെ ശ്രദ്ധേയമായ വിജയത്തിനു ശേഷം മനു അശോകൻ സംവിധാനം ചെയ്യുന്ന പുതിയ ചിത്രമാണ് കാണെക്കാണെ, ഡ്രീം കാച്ചറിൻ്റെ ബാനറിൽ ടി.ആർ.ഷംസുദ്ദീനാണ് ഈ ചിത്രം നിർമ്മിക്കുന്നത്. 1983, ക്യൂൻ എന്നീ ചിത്രങ്ങളുടെ മികച്ച വിജയത്തിനു ശേഷം ടി.ആർ.ഷംസുദ്ദീൻ നിർമ്മിക്കുന്ന ചിത്രം കൂടിയാണ്. ഇക്കഴിഞ്ഞ ഒക്ടോബർ പതിനെട്ട് ഞായറാഴ്ച കൊച്ചിയിലെ ചോറ്റാനിക്കരയിൽ ഈ ചിത്രത്തിൻ്റെ ചിത്രീകരണമാരംഭിച്ചു.

വൈവിദ്ധ്യമാർന്ന തിരക്കഥകളിലൂടെ ശ്രദ്ധേയരായ ബോബി – സഞ്ജയ് ആണ് ഈ ചിത്രത്തിൻ്റെ തിരക്കഥ ഒരുക്കുന്നതെന്നതും ഈ ചിത്രത്തിൻ്റെ ആകർഷണീയത വർദ്ധിപ്പിക്കുന്നു, തികഞ്ഞ ഫാമിലി ത്രില്ലറായിട്ടാണ് ഈ ചിത്രത്തിൻ്റെ അവതരണം. വളരെ ലളിതമായി ആരംഭിക്കുന്ന, ഈ ചിത്രം പിന്നീട് സംഘർഷത്തിലേക്ക് നീങ്ങുകയാണ്.

ടൊവിനോ തോമസ്, സുരാജ് വെഞ്ഞാറമൂട്, ഐശ്വര്യാലഷ്മി എന്നിവരാണ് ഈ ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. റോണി ഡേവിഡ് രാജ്, പ്രേം പ്രകാശ്, ശ്രുതി രാമചന്ദ്രൻ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു ‘വിനായക് ശശികുമാറിൻ്റെ വരികൾക്ക് രഞ്ജിൻ രാജ് ഈണം പകർന്നിരിക്കുന്നുആൽബിയാണ് ഛായാഗ്രാഹകൻ. എഡിറ്റിംഗ് – അഭിലാഷ് ചന്ദ്രൻ, വിഷ്ണു ഗോവിന്ദ് – ശ്രീശങ്കർ, സൗണ്ട് കലാസംവിധാനം -ദിലീപ് നാഥ്. കോസ്റ്റ്യും ഡിസൈൻ- ശ്രെയാ അരവിന്ദ്, മേക്കപ്പ്- ജയൻ പൂങ്കുളം, അസ്സോസ്സിയേറ്റ് ഡയറക്ടർ – സനീഷ് സെബാസ്റ്റ്യൻ, നിശ്ചല ഛായാഗ്രഹണം- ജിയോങ്കോ ,നിർമ്മാണ നിർവ്വഹണം ഷബീർ പെരിന്തൽമണ്ണ വാഴൂർ ജോസ്.

By വാഴൂർ ജോസ്