കൊവിഡ്-19 സുരക്ഷാ മുന്കരുതലിന്റെ ഭാഗമായി രാജ്യത്ത് ലോക്ഡൗണ് പ്രഖ്യാപിച്ച സാഹചര്യത്തില് ടെലിവിഷന് സീരിയലുകളുടെ സംപ്രേഷണം ഏപ്രില് ആദ്യവാരം മുതല് ഇല്ലാതെയാവും. ഏപ്രില് 14 വരെ രാജ്യത്ത് ലോക്ഡൗണ് നിലനില്ക്കുന്ന സാഹചര്യത്തില് സീരിയലുകള്, പ്രതിദിന ടെലിവിഷന് പരിപാടികള്, റിയാലിറ്റി ഷോകള്, തുടങ്ങിയവയുടെ ചിത്രീകരണം മുടങ്ങുന്നതിനാല് സംപ്രേഷണം നടക്കില്ലെന്നാണ് അണിയറ പ്രവര്ത്തകര് പറയുന്നത്.
നേരത്തെ മാര്ച്ച് 31 വരെ സീരിയലുകളുടെ ചിത്രീകരണം നിര്ത്തിവെക്കാന് മലയാളം ടെലിവിഷന് ഫ്രെറ്റേര്ണിറ്റി തീരുമാനിച്ചിരുന്നു. എന്നാല് മാര്ച്ച് 17 ന് നടന്ന എക്സിക്യൂട്ടീവ് മീറ്റിംഗില് വേണ്ട മുന്കരുതലോടെ മാര്ച്ച് 19 നകം എല്ലാ ടെലിവിഷന് പരിപാടികളുടെയും ചിത്രീകരണം യുദ്ധ കാലാടിസ്ഥാനത്തില് തീര്ക്കണമെന്ന് തീരുമാനിച്ചിരുന്നു.
ഫെഡറേഷന് ഓഫ് വെസ്റ്റേണ് ഇന്ത്യന് സിനി എംപ്ലോയീസും ഇന്ത്യന് ഫിലിം ആന്ഡ് ടെലിവിഷന് ഡയരക്ടേര്സും മാര്ച്ച് 19 മുതല് 31 വരെ സിനിമകള്, വെബ്സീരീസ്, സീരിയലുകള് എന്നിവയുടെ ഷൂട്ടിംഗ് നിര്ത്തിവെക്കാന് നിര്ദ്ദേശിച്ച് സര്ക്കുലര് ഇറക്കിയിരുന്നു.
ഇതിനുപിന്നാലെ രാജ്യത്ത് 21 ദിവസത്തെ ലോക്ഡൗണ് പ്രഖ്യാപിച്ചത് സീരിയലുകളുടെയും ഷോകളുടെയുമെല്ലാം ചിത്രീകരണം അനിശ്ചിത കാലത്തേക്ക് നീളാന് ഇടയാക്കും.
ഷൂട്ട് ചെയ്ത എപ്പിസോഡുകള് കഴിഞ്ഞാല് ഏപ്രില് ആദ്യ ആഴ്ചയോടെ എല്ലാ സീരിയലുകളുടെയും സംപ്രേഷണം നിലയ്ക്കും. ഈ സമയത്ത് പഴയ എപ്പിസോഡുകള് റീ ടെലികാസ്റ്റ് ചെയ്യാനാണ് തീരുമാനമെന്ന് ചാനല് വക്താക്കള് പറഞ്ഞതായി ഐ.ഇ മലയാളം റിപ്പോര്ട്ട് ചെയ്യുന്നു. രാജ്യത്ത് ലോക്ക് ഡൗണിന് പിന്നാലെ രാമായണവും മഹാഭാരതവും ദൂരദര്ശന് സംപ്രേക്ഷണം ആരംഭിച്ചിരുന്നു.
ഒപ്പം ഷാരൂഖ് ഖാന് അഭിനയിച്ച സര്ക്കസ് എന്ന സീരിയലും സംപ്രേഷണം ചെയ്യുന്നുണ്ട്. ലോക്ഡൗണില് കഴിയുന്ന ജനങ്ങളുടെ ബോറടി മാറ്റാന് രാമായണം, മഹാഭാരതം സീരിയലുകള് പുന:സംപ്രക്ഷേപണം ചെയ്യുമെന്നായിരുന്നു പ്രസാര് ഭാരതി സി.ഇ.ഒ ശശി ശേഖര് അറിയച്ചത്.
പച്ചപ്പുല്ലുകളാൽ നിറഞ്ഞ ഒരു മലമുകളിൽ ഒരു നായയുമായി സന്തോഷത്തോടെ ഓടുന്ന രണ്ടു പെൺകുട്ടികൾ. ഒരു മലയോര ഗ്രാമത്തിൻ്റെ പ്രതീകമായി ഇവരെ…
സൗദി അറേബ്യയിലെ റാസ് തനൂറയിൽ സൗദി അരാംകോയുടെ ഹെലികോപ്റ്റർ തകർന്നുവീണ് വിമാനത്തിലുണ്ടായിരുന്ന 14 പേരും മരിച്ചു. അപകടത്തിന്റെ കാരണം ഇതുവരെ…
ഷാജി കൈലാസ് സംവിധാനം ചെയ്യുന്ന മാസ് ആക്ഷൻ ത്രില്ലർ ചിത്രമായ വരവ് ജൂലൈ പതിനാറിന് എത്തുന്നു. ഓൾഗ പ്രൊഡക്ഷൻസിൻ്റെ ബാനറിൽ…
കഴിഞ്ഞ ഏതാനും ദിവസങ്ങളായി അതിശക്തമായ ചൂടിനെ തുടർന്ന് അയർലണ്ടിൽ പ്രഖ്യാപിച്ചിരുന്ന സ്റ്റാറ്റസ് യെല്ലോ ഉയർന്ന താപനില മുന്നറിയിപ്പ് ഇന്ന് രാവിലെ…
ഡബ്ലിൻ സിറ്റി കൗൺസിലിന്റെ അടുത്ത മേയറായി Fianna Fáil കൗൺസിലർ ഡാരിൽ ബാരൻ തിങ്കളാഴ്ച തിരഞ്ഞെടുക്കപ്പെടുമെന്ന് പ്രതീക്ഷിക്കുന്നു. 2019 മുതൽ…
മോഹൻലാൽ, മീരാ ജാസ്മിനെ സാരിയുടുക്കാൻ സഹായിക്കുന്നു. കൗതുകകരമായ ഒരു പോസ്റ്റർ. ഗൃഹാതുരത്വം നിറഞ്ഞുനിൽക്കുന്ന ഒരു മുഹൂർത്തം. സാധാരണ വീടുകളിലൊക്കെ ഇത്തരത്തിലുള്ള…