ന്യൂദല്ഹി: നാലാംഗ കോണ്ഗ്രസ് നേതാക്കളുടെ സംഘം ദല്ഹി ജെ.എന്.യു കാമ്പസിലെത്തി. ഇക്കഴിഞ്ഞ ഞായറാഴ്ച്ച രാത്രി ജെ.എന്.യു വിദ്യാര്ത്ഥികള്ക്കും അധ്യാപകര്ക്കും നേരെയുണ്ടായ ആക്രമണത്തിന്റെ പശ്ചാത്തലത്തിലാണ് സന്ദര്ശനം. കോണ്ഗ്രസ് നേതാക്കളായ ഹൈബി ഈഡന്, സുസ്മിത ദേവ്, അമൃത ദവാന്, സയ്യിദ് നാസര് ഹുസൈന് എന്നിവരാണ് സംഘത്തിലുള്ളത്. ബുധനാഴ്ച്ച ജെ.എന്.യു കാമ്പസിലെത്തിയ സംഘം വിദ്യാര്ത്ഥികളുമായി കൂടികാഴ്ച്ച നടത്തി.
ഏകദേശം 60 ലധികം വിദ്യാര്ത്ഥികളുമായി സംസാരിച്ചെന്നും അക്രമം നടന്നതിന്റെ നിരവധി തെളിവുകള് അവിടെയുണ്ടെന്നും സുസ്മിത ദേവ് പ്രതികരിച്ചു. അക്രമം നടന്ന സബര്മതി ഹോസ്റ്റലും കോണ്ഗ്രസ് നേതാക്കള് സന്ദര്ശിച്ചു. ടിച്ചേര്സ് അസോസിയേഷനുമായും ഇവര് കൂടികാഴ്ച്ച നടത്തി.സന്ദര്ശന റിപ്പോര്ട്ട് ഞായറാഴ്ച്ച കോണ്ഗ്രസ് അധ്യക്ഷ സോണിയാ ഗാന്ധിക്ക് കൈമാറും. വൈസ് ചാന്സലറെ മാറ്റുക, ഫീസ് വര്ദ്ധന പിന്വലിക്കുക തുടങ്ങിയ ആവശ്യങ്ങള് ഉന്നയിച്ച് ജെ.എന്.യു വിദ്യാര്ത്ഥികള് പൗരമാര്ച്ച് എന്ന പേരില് ഇന്ന് മാനവവിഭവശേഷി മന്ത്രാലയത്തിലേക്ക് മാര്ച്ച് സംഘടിപ്പിച്ചിട്ടുണ്ട്. ജാമിയ മിലിയ സര്വ്വകലാശാലയിലെയും ദല്ഹി യൂണിവേഴ്സിറ്റിയിലെയും വിദ്യാര്ത്ഥികളാണ് മാര്ച്ചില് അണിനിരക്കുന്നത്. പൗരമാര്ച്ചിന് ജെ.എന്.യു അധ്യാപക സംഘടനയും പിന്തുണ നല്കിയിട്ടുണ്ട്.
സി.പി.ഐ നേതാവും ജെ.എന്.യു വിദ്യാര്ത്ഥി യൂണിയന് പ്രസിഡണ്ടുമായിരുന്ന കനയ്യകുമാര് ഉള്പ്പെടെയുള്ളവര് മാര്ച്ചില് പങ്കെടുക്കും. ജെ.എന്.യു വിദ്യാര്ത്ഥികളോട് ഐക്യദാര്ഢ്യം പ്രകടിപ്പിക്കാനുള്ള രാജ്യത്തെ ഓരോ പൗരന്റെയും സമയമാണ് ഇതെന്ന് കന്നയ്യ കുമാര് ട്വിറ്ററില് കുറിച്ചു.
അയർലണ്ട് നാഷണൽ വോളിബോൾ ലീഗ് ഡിവിഷൻ 3 ഫൈനലിൽ എത്തുന്ന ആദ്യ മലയാളി ടീമായി കോർക്ക് ലൈയൺസ് വോളിബോൾ ക്ലബ്.…
കോട്ടയം : ഡ്രീംസ് ഓൺ സ്ക്രീൻ പ്രൊഡക്ഷൻസിന്റെ ബാനറിൽ പ്രശാന്ത് മുരളിയെ നായകനാക്കി ഐറിഷ് മലയാളിയും നവാഗതനായ സംവിധായകനുമായ ജോമി…
"ഞാൻ വെറും ഒരു സാധാരണക്കാരനാണ്. എൻ്റെ ഭാര്യയും മക്കളും അടങ്ങുന്ന ഒരു കൊച്ചു ലോകം.ആസ്വകാര്യതയിലേക്ക് ക്ഷണിക്കപ്പെടാത്ത ഒരതിഥി വന്നു. ഞങ്ങളുടെ…
നീനാ (കൗണ്ടി ടിപ്പററി): നീനാ കൈരളിയുടെ ആഭിമുഖ്യത്തിൽ സംഘടിപ്പിക്കപ്പെട്ട ഈസ്റ്റർ,വിഷു,ഈദ് സംയുക്താഘോഷങ്ങൾ നീനാ സ്കൗട്ട് ഹാളിൽ വച്ച് വർണാഭമായി നടന്നു.പ്രത്യാശയും,ഐശ്വര്യവും,സ്നേഹവും…
ക്ലൗഡ് കമ്പ്യൂട്ടിംഗ് സ്ഥാപനമായ ഒറാക്കിൾ അയർലണ്ടിലെ ജോലികൾ വെട്ടിക്കുറയ്ക്കാനുള്ള പദ്ധതികളെക്കുറിച്ച് സർക്കാരിനെ അറിയിച്ചിട്ടുണ്ട്. കമ്പനിയിൽ നിന്ന് എന്റർപ്രൈസ് വകുപ്പിന് കൂട്ടായ…
സൗത്ത് ഡബ്ലിനിൽ ഇന്ന് രാവിലെ ഒരു കാറും ബസും ലുവാസും കൂട്ടിയിടിച്ചു. ബ്ലൂബെൽ ലുവാസ് സ്റ്റോപ്പിന് സമീപമാണ് അപകടം നടന്നത്.…