ജയ്പുര്: രാജ്യസഭാ തെരഞ്ഞെടുപ്പിന് മുന്നോടിയായി ഗുജറാത്തില് തകൃതിയായ രാഷ്ട്രീയ നീക്കങ്ങള്. എം.എല്.എമാരെ സ്വാധീനിക്കാന് ബി.ജെ.പി ശ്രമം ആരംഭിച്ചതിന് പിന്നാലെ കോണ്ഗ്രസ് അംഗങ്ങളെ രാജസ്ഥാനിലെ റിസോര്ട്ടിലേക്ക് മാറ്റിയിരുന്നു. എന്നാല് ഈ റിസോര്ട്ട് ഉടമയ്ക്കെതിരെ കേസ് രജിസ്റ്റര് ചെയ്തിരിക്കുകയാണ് ഗുജറാത്ത് പൊലീസ്.
രാജ്കോട്ടിലെ നീല്സിറ്റി റിസോര്ട്ടിന്റെ ഉടമയ്ക്കും മാനേജര്ക്കും എതിരെയാണ് കേസ്. എം.എല്.എമാര്ക്ക് റിസോര്ട്ട് അനുവദിച്ചതില് ഐ.പി.സി 188 ചുമത്തിയാണ് കേസ്. ലോക്ഡൗണ് ലംഘനമാണ് ഇതെന്നും പൊലീസ് വാദിക്കുന്നു.
25 എം.എല്.എമാരെയാണ് കോണ്ഗ്രസ് ഞായറാഴ്ചയോടെ രാജസ്ഥാനിലേക്ക് മാറ്റിയത്. ശനിയാഴ്ച നാല് എം.എല്.എമാരെയും ഞായറാഴ്ച 21 എം.എല്.എമാരെയുമാണ് രാജസ്ഥാനില് എത്തിച്ചത്.
മൂന്ന് എം.എല്.എമാര് പാര്ട്ടിവിട്ട് ബി.ജെ.പിയിലേക്ക് ചേക്കേറിയതോടെയാണ് കോണ്ഗ്രസ് പുതിയ നീക്കങ്ങളിലേക്ക് കടന്നിരിക്കുന്നത്.
മാര്ച്ചില് അഞ്ച് കോണ്ഗ്രസ് എം.എല്.എമാര് രാജിവെച്ചിരുന്നു. ഇതോടെ കോണ്ഗ്രസ് എം.എല്.എമാരുടെ എണ്ണം 65 ആയി ചുരുങ്ങി. നാല് രാജ്യസഭ സീറ്റുകളില് രണ്ടെണ്ണത്തില് വിജയിക്കാനുള്ള സാധ്യതയാണ് കോണ്ഗ്രസിന് നഷ്ടമായത്.
കോണ്ഗ്രസ് വക്താവ് കൂടിയായ ശക്തിസിങ് ഗോഹില്, മുന് കോണ്ഗ്രസ് അധ്യക്ഷന് ഭരത് സിങ് സോളങ്കി, എന്നിവരെയാണ് കോണ്ഗ്രസ് രാജ്യസഭാ സീറ്റിലേക്ക് നിര്ദ്ദേശിച്ചിരിക്കുന്നത്. പുതിയ നീക്കങ്ങളോടെ ഒരാളെ മാത്രമേ വിജയിപ്പിക്കാനാവൂ എന്ന അവസ്ഥയിലാണ് കോണ്ഗ്രസ്.
103 അംഗങ്ങളുള്ള ബി.ജെ.പിക്ക് രണ്ട് പേരെ കൂടിയാണ് രാജ്യസഭാ സീറ്റുറപ്പിക്കാന് വേണ്ടത്. റമീള ഭാര, അഭയ് ഭരദ്വാജ്, നരഹരി അമിന് എന്നിവരാണ് ബി.ജെ.പിയുടെ സ്ഥാനാര്ത്ഥികള്.
ജൂണ് 19 നാണ് രാജ്യസഭാ തെരഞ്ഞെടുപ്പ്. ഗുജറാത്തില് നാല് സീറ്റുകളിലേക്കാണ് തെരഞ്ഞെടുപ്പ് നടക്കുന്നത്.
വാഷിംഗ്ടൺ ഡി.സി: ഈസ്റ്റർ ദിനത്തിൽ യേശുക്രിസ്തുവിന്റെ പുനരുത്ഥാനത്തെ വാഴ്ത്തിക്കൊണ്ട് ട്രംപ് ഭരണകൂടത്തിലെ വിവിധ വകുപ്പുകൾ ഔദ്യോഗിക സന്ദേശങ്ങൾ പുറപ്പെടുവിച്ചു. മുൻ…
മേരിലാൻഡ്: മെഡിക്കെയർ പദ്ധതിയിലെ ക്രമക്കേടുകൾ തടയുന്നതിൽ ഗവർണർ വെസ് മൂർ പരാജയപ്പെട്ടുവെന്ന് ആരോപിച്ച് ശക്തമായ വിമർശനം. അർഹതയില്ലാത്തവർക്കും അനധികൃത കുടിയേറ്റക്കാർക്കും…
ഷിക്കാഗോ: വിശ്വാസപ്പെരുമയും ആഘോഷപ്പൊലിമയുമായി ഷിക്കാഗോ നഗരം ഈസ്റ്റർ ഞായറാഴ്ചയെ വരവേറ്റു. നഗരത്തിലെ വിവിധ ദേവാലയങ്ങളിൽ വലിയ ജനത്തിരക്കാണ് അനുഭവപ്പെട്ടത്. ഹോളി…
ബാബു.പി.സൈമൺ, ഡാളസ് ഈസ്റ്റർ പുലരിയുടെ ദിവ്യപ്രഭയിൽ ദേവാലയം ഉണർന്നുനിൽക്കുകയായിരുന്നു. വൈദികന്റെ ഭക്തിസാന്ദ്രമായ ആലാപനവും, “യേശുക്രിസ്തു ഉയിർത്തെഴുന്നേറ്റിരിക്കുന്നു” എന്ന മഹത്തായ പ്രഖ്യാപനവും,…
ഇന്ധനവില വർധനവിൽ പ്രതിഷേധിച്ച് നാളെ രാജ്യത്തുടനീളമുള്ള പ്രധാന റൂട്ടുകളിൽ പ്രതിഷേധങ്ങൾ നടക്കും. 'The People of Ireland Against Fuel…
ഈസ്റ്റർ ബാങ്ക് ഹോളിഡേ വാരാന്ത്യത്തിൽ അമിതവേഗതയിൽ വാഹനമോടിച്ച 3000-ത്തിലധികം ഡ്രൈവർമാരെ പിടികൂടി. മണിക്കൂറിൽ 50 കിലോമീറ്റർ വേഗപരിധിയുള്ള ടിപ്പററിയിലെ കാഹിറിലെ…