ഡി.എം.കെ അധ്യക്ഷന്‍ സ്റ്റാലിന്റെ മകളുടെ വീട്ടിൽ ആദായ നികുതി വകുപ്പ് റെയ്ഡ്

ചെന്നൈ: ഡി.എം.കെ അധ്യക്ഷന്‍ സ്റ്റാലിന്റെ മകൾ സെന്താമരൈയുടെ നീലാംഗരൈയിലെ വീട്ടില്‍ ആദായ നികുതി വകുപ്പ് റെയ്ഡ്. മരുമകൻ ശബരീശൻറെ ഉടമസ്ഥതയിലുള്ള നാല് സ്ഥാപനങ്ങളിലും കൂടാതെ ശ്രീവൈകുണ്ഠത്തെ കോൺഗ്രസ് സ്ഥാനാർഥി ഉർവ്വശിയുടെ വീട്ടിലും ആദായ നികുതി വകുപ്പ് പരിശോധന നടത്തുന്നുണ്ട്.

വകുപ്പിന് ലഭിച്ച പരാതികളുടെയും വിവരങ്ങളുടെയും അടിസ്ഥാനത്തിലാണ് തിരച്ചിൽ ആരംഭിച്ചതെന്ന് ഐടി വൃത്തങ്ങൾ അറിയിച്ചു. നിലവിൽ, രേഖകളോ പണമോ ഓഫീസർ പിടിച്ചെടുത്തിട്ടില്ല.