ന്യുദല്ഹി: കൊവിഡ് പടരുന്ന സാഹചര്യത്തില് പ്രതിസന്ധി മറികടക്കാന് സഹായവുമായി ദല്ഹി സര്ക്കാര്. 72 ലക്ഷം പേര്ക്ക് സൗജന്യ റേഷന് പ്രഖ്യാപിച്ചു. അതോടൊപ്പം വിധവ പെന്ഷന്, ഭിന്ന ശേഷിക്കാരുടെ പെന്ഷന്, വാര്ധക്യ പെന്ഷന് തുടങ്ങിയവരുടെ അടുത്ത മാസത്തെ പെന്ഷന് ഇരട്ടിയാക്കാനും ഉത്തരിവിട്ടു.
‘ദല്ഹിയിലെ 72 ലക്ഷം വരുന്ന ജനങ്ങള്ക്ക് സൗജന്യ റേഷന് ലഭിക്കും. ഓരോ വ്യക്തിക്കുമുള്ള റേഷന് 50 ശതമാനം വര്ധിപ്പിച്ചിട്ടുമുണ്ട്,’ കെജ്രിവാള് പറഞ്ഞു.
5 കിലോയ്ക്ക് പകരം ഒരാള്ക്ക് 7.5 കിലോ റേഷനായിരിക്കും ലഭിക്കുകയെന്നും മുഖ്യമന്ത്രി അരവിന്ദ് കെജ് രിവാള് പറഞ്ഞു.
‘ദിവസക്കൂലിക്കാരുടെ കാര്യത്തിലും തൊഴിലാളികളുടെ കാര്യത്തിലും സര്ക്കാര് അതീവ ശ്രദ്ധാലുക്കളാണ്. ആരും തന്നെ കൊവിഡ് പടരുന്ന സാഹചര്യത്തില് പട്ടിണി കിടക്കാന് പാടില്ല,’ കെജ്രിവാള് പറഞ്ഞു.
ദല്ഹിയില് കൊവിഡ് മുന്കരുതലിന്റെ ഭാഗമായി ദല്ഹി അടച്ചിട്ടേക്കുമെന്ന സൂചനയും കെജ്രിവാള് പറഞ്ഞു. ആളുകളോട് രാവിലെയുള്ള വ്യായാമ നടത്തങ്ങള് ഒഴിവാക്കണമെന്നും കെജ്രിവാള് നിര്ദേശിച്ചു.
‘നിങ്ങളുടെ രാവിലെ നടത്തം ഒഴിവാക്കാന് ഞാന് അപേക്ഷിക്കുകയാണ്. എന്നിട്ട് കുറച്ചു സമയം വീട്ടില് സുരക്ഷിതരായി ഇരിക്കൂ. നിലവില് നമ്മള് ഒന്നും അടച്ചു പൂട്ടിയിട്ടില്ല. നിങ്ങളുടെ നല്ലതിനും സുരക്ഷയ്ക്കും അത് ആവശ്യമായി വന്നാല് സംസ്ഥാനം പൂര്ണമായും അടയ്ക്കും,’ കെജ്രിവാള് പറഞ്ഞു.
അതേസമയം മാര്ച്ച് 13ന് ദല്ഹിയില് നിന്ന് ആന്ധ്രാ പ്രദേശിലേക്ക് സമ്പര്ക് ക്രാന്തി ട്രെയിനില് യാത്ര ചെയ്ത എട്ട് പേര്ക്ക് കൊവിഡ് സ്ഥിരീകരിച്ചിട്ടുണ്ട്.
കൊവിഡ് പടരുന്ന സാഹചര്യത്തില് ദല്ഹിയില് 50 ശതമാനം ബസ് സര്വീസുകളും വെട്ടിക്കുറച്ചിട്ടുണ്ട്. ദല്ഹിയില് അഞ്ചു പേരില് കൂടുതല് പേര് കൂട്ടം കൂടുന്നതും വിലക്കിയിട്ടുണ്ട്.
24 മണിക്കൂറിനുള്ളില് രാജ്യത്ത് 98 പേര്ക്കാണ് കൊവിഡ് സ്ഥിരീകരിച്ചതെന്ന് കേന്ദ്രം അറിയിച്ചിട്ടുണ്ട്. ദല്ഹിയില് മാത്രം 25 പോസിറ്റീവ് കേസുകളുണ്ട്. രാജ്യത്ത് ഇതുവരെ കൊവിഡ് ബാധിച്ചവരുടെ എണ്ണം 298 ആയി.
ഫ്ലോറിഡ: 1990-ൽ മോഷണശ്രമത്തിനിടെ അയൽവാസിയായ മാർലിസ് സാതർ എന്ന സ്ത്രീയെ ക്രൂരമായി തീകൊളുത്തി കൊലപ്പെടുത്തിയ പ്രതി ചാഡ്വിക് സ്കോട്ട് വില്ലാസിയുടെ…
വെർജീനിയ: വെർജീനിയ ലഫ്റ്റനന്റ് ഗവർണർ ഗസാല ഹാഷ്മിയുടെ നേതൃത്വത്തിൽ സംഘടിപ്പിക്കുന്ന 'ലിറ്ററേച്ചർ & ഗവൺമെന്റ്' (സാഹിത്യവും ഭരണകൂടവും) എന്ന വിജ്ഞാനപ്രദമായ…
ലബക് (ടെക്സസ്): പരിശുദ്ധാത്മാവിന്റെ അഭിഷേകം എന്നത് കേവലം ഒരു അനുഭവമല്ല, മറിച്ച് മറ്റുള്ളവരുടെ വേദനകളിൽ ഇടപെടാനും ലോകത്തിന് വെളിച്ചമായി മാറാനുമുള്ള…
ജെറ്റ് ഇന്ധനത്തിന്റെ വില ഉയരുന്നതിന് പിന്നാലെ, ഒക്ടോബർ വരെ 20,000 ഹ്രസ്വ-ദൂര വിമാന സർവീസുകൾ ഷെഡ്യൂളിൽ നിന്ന് ഒഴിവാക്കുകയാണെന്ന് ലുഫ്താൻസ…
ഇറാനെതിരായ യുഎസ്-ഇസ്രായേൽ യുദ്ധം മൂലമുണ്ടായ ഊർജ്ജ പ്രതിസന്ധിയുടെ ഹ്രസ്വകാല, ഇടക്കാല പ്രത്യാഘാതങ്ങൾ പരിഹരിക്കുന്നതിനായി യൂറോപ്യൻ കമ്മീഷൻ നിരവധി നടപടികൾ ആരംഭിച്ചു.ഉപഭോക്താക്കളിലും…
ഒസിഐ കാർഡ് ഇല്ലാത്ത യുകെ പൗരനായ മലയാളി യുവാവിന്റെ മൃതദേഹം ഇന്ത്യയിലേക്ക് കൊണ്ടുവരാൻ അനുമതി നൽകാനാവില്ലെന്ന് കേരള ഹൈക്കോടതി. കോട്ടയം…