ഓക്സിജൻ എടുക്കുന്നതിനോ വിതരണം ചെയ്യുന്നതിനോ തടസ്സപ്പെടുത്തുന്നവരെ തൂക്കിലേറ്റും; ഡൽഹി ഹൈക്കോടതി

ഓക്സിജൻ എടുക്കുന്നതിനോ വിതരണം ചെയ്യുന്നതിനോ കേന്ദ്ര, സംസ്ഥാന, പ്രാദേശിക ഭരണകൂടത്തിലെ ഏതെങ്കിലും ഉദ്യോഗസ്ഥർ തടസ്സമുണ്ടെങ്കിൽ ആ വ്യക്തിയെ തൂക്കിലേറ്റുമെന്ന് ദില്ലി ഹൈക്കോടതി പറഞ്ഞു.

ഗുരുതരമായ രോഗബാധിതരായ കോവിഡ് രോഗികൾക്ക് ഓക്സിജന്റെ അഭാവം സംബന്ധിച്ച് മഹാരാജ അഗ്രാസെൻ ഹോസ്പിറ്റൽ സമർപ്പിച്ച ഹർജിയിൽ വാദം കേൾക്കുന്നതിനിടെയാണ് ഈ പരാമർശം. ജസ്റ്റിസുമാരായ വിപിൻ സംഘിയുടെയും രേഖ പല്ലിയുടെയും ബെഞ്ചാണ് കേസ് പരിഗണിച്ചത്.

ആരാണ് ഓക്സിജൻ വിതരണത്തെ തടസ്സപ്പെടുത്തിയതെന്നതിന്റെ ഒരു ഉദാഹരണം പറയാനും അയാളെ തൂക്കിലേറ്റുമെന്നും കോടതി ദില്ലി സർക്കാരിനോട് പറഞ്ഞു. മാത്രമല്ല വിഷയത്തിൽ ഉത്തരവാദികളായ ആരേയും വെറുതെ വിടില്ലെന്നും കോടതി വ്യക്തമാക്കി.

പ്രാദേശിക ഭരണകൂടത്തിലെ ഇത്തരം ഉദ്യോഗസ്ഥരെക്കുറിച്ച് കേന്ദ്രത്തെ അറിയിക്കണമെന്നും അവർക്കെതിരെ നടപടിയെടുക്കാമെന്നും കോടതി ദില്ലി സർക്കാരിനോട് പറഞ്ഞു. അതേസമയം ഡൽഹിയിലെ ജയ്പൂർ ഗോൾഡൻ ആശുപത്രിയിൽ ഓക്സിജൻ കിട്ടാതെ 25 രോഗികൾ മരിച്ചു.