ഇസ്രഈല്‍ സര്‍ക്കാര്‍ രൂപീകരണത്തില്‍ പ്രധാനമന്ത്രി ബെഞ്ചമിന്‍ നെതന്യാഹുവിന് അപ്രതീക്ഷിത തിരിച്ചടി നല്‍കി പ്രധാന എതിരാളി ബെന്നി ഗാന്റ്‌സ്. ചെറുപാര്‍ട്ടികളുടെ പിന്തുണയോടെ 61 സീറ്റുകളാണ് ബെന്നി ഗാന്റ്‌സിന്‍രെ ബ്ലൂ ആന്‍ഡ് വൈറ്റ് പാര്‍ട്ടി ഉറപ്പിച്ചിരിക്കുന്നത്. മാര്‍ച്ച് രണ്ടിന് നടന്ന തെരഞ്ഞെടുപ്പില്‍ ഒരു പാര്‍ട്ടിക്കും ഭൂരിപക്ഷം ലഭിക്കാത്ത സാഹചര്യത്തില്‍ സര്‍ക്കാര്‍ രൂപീകരണം അനിശ്ചിതത്വത്തിലായ ഘട്ടത്തിലാണ് ബെന്നി ഗാന്റ്‌സിന്റെ അപ്രതീക്ഷിത നീക്കം.
ഇതോടെ സര്‍ക്കാര്‍ രൂപീകരിക്കാനുള്ള പ്രാഥമിക നടപടികള്‍ക്കായി ഇസ്രഈല്‍ പ്രസിഡന്റ് ഗാന്റ്‌സിന് അനുമതി നല്‍കി. 6 ആഴ്ച സമയമാണ് പാര്‍ലെമന്റില്‍ ഭൂരിപക്ഷം തെളിയിക്കാന്‍ ഗാന്റ്‌സിന് ലഭിക്കുക. ഈ സമയ പരിധി കഴിഞ്ഞാല്‍ സര്‍ക്കാര്‍ രൂപീകരണത്തിനുള്ള അവസരം നെതന്യാഹുവിന് ലഭിക്കും. തെരഞ്ഞെടുപ്പില്‍ മുന്‍ നിരയിലുള്ള അവിഗ്ദോര്‍ ലീബര്‍മാന്റെ ‘ഇസ്രഈല്‍ ബെയ്തിനു പാര്‍ട്ടി’യും സഖ്യത്തിന് തയ്യാറായി.
അതേ സമയം ഗാന്റ്‌സിന് പിന്തുണയറിയച്ച പാര്‍ട്ടികളുമായി സഖ്യം സാധ്യമാവുമോ എന്ന സംശയവും ബാക്കിയാണ്. പിന്തുണയറിയിച്ചതില്‍ 15 പാര്‍ട്ടികള്‍ അറബ് സഖ്യപാര്‍ട്ടികളാണ്. ഇവര്‍ മുന്‍ സൈനിക നേതാവായ ബെന്നി ഗാന്റ്‌സിന്റെ ആശയങ്ങളുമായി ഒത്തു പോവുമോ എന്ന് സംശയമാണ്.
ഇസ്രഈലില്‍ കൊവിഡ്-19 പടര്‍ന്നു പിടിക്കുന്ന സാഹചര്യത്തില്‍ അടിയന്തരമായി സംയുക്ത സര്‍ക്കാര്‍ രൂപീകരിക്കണമെന്ന ആവശ്യം നെതന്യാഹു ഗാന്റ്‌സിന് മുന്നില്‍ വെച്ചിരുന്നു. എന്നാല്‍ ഇത് തള്ളിയാണ് ഗാന്റ്‌സ് ചെറു പാര്‍ട്ടികളുമായി ധാരണയിലായത്.
കൊവിഡ്-19 പടര്‍ന്നു പിടിക്കുന്ന സാഹചര്യത്തില്‍ നെതന്യാഹുവിനെതിരെയുള്ള അഴിമതിക്കുറ്റത്തിലെ വിചാരണ ഇസ്രഈല്‍ കോടതി നീട്ടി വെച്ചിരുന്നു. 250 പോസിറ്റീവ് കൊവിഡ് കേസുകളാണ് ഇസ്രഈലില്‍ ഇതുവരെ റിപ്പോര്‍ട്ട് ചെയ്തിരിക്കുന്നത്.
ചുരുങ്ങിയ മാസങ്ങള്‍ക്കുള്ളില്‍ നടക്കുന്ന മൂന്നാമത്തെ തെരഞ്ഞെടുപ്പിലും ഒരു പാര്‍ട്ടിക്കും ഭൂരിപക്ഷം ലഭിക്കാത്ത സാഹചര്യത്തിലാണ് ഇസ്രഈലില്‍ വീണ്ടും രാഷ്ട്രീയ പ്രതിസന്ധി രൂപപ്പെട്ടത്.
ജൂണിലും സെപ്റ്റംബറിലും നടന്ന തെരഞ്ഞടുപ്പില്‍ ഒരു പാര്‍ട്ടിക്കും ഭൂരിപക്ഷം തെളിയിക്കാനാവാത്ത സാഹചര്യത്തിലാണ് മാര്‍ച്ച് 2 ന് മൂന്നാമത് തെരഞ്ഞെടുപ്പ് നടന്നത്. 120 അംഗ പാര്‍ലമെന്റിലേക്കാണ് തെരഞ്ഞെടുപ്പ് നടന്നത്.
മസ്കറ്റ്: ഒമാനിൽ ഒരു കുടുംബത്തിലെ ആറ് പേർക്ക് ദാരുണാന്ത്യം. അൽ അത്കിയ പ്രദേശത്താണ് ഭർത്താവും ഭാര്യയും നാല് കുട്ടികളും അടങ്ങുന്ന…
അയർലണ്ടിലെ മെട്രോലിങ്ക് പദ്ധതിയുടെ നിർമ്മാണത്തിന് ഏകദേശം 8,000 തൊഴിലാളികൾ ആവശ്യമായി വരുമെന്ന് കണക്കാക്കപ്പെടുന്നു, ഇതിൽ ഗണ്യമായ സംഖ്യ വിദേശത്ത് നിന്ന്…
ബെംഗളൂരു: ഐപിഎൽ വിജയാഘോഷത്തിനിടെ ബെംഗളൂരു ചിന്നസ്വാമി സ്റ്റേഡിയത്തിലുണ്ടായ ആൾക്കൂട്ട ദുരന്തത്തിന്റെ ഉത്തരവാദിത്തം ആർസിബിക്കെന്ന് പൊലീസ്. കർണാടക പൊലീസിന്റെ സിഐഡി വിഭാഗം…
വടക്ക്, വടക്കുകിഴക്കൻ മേഖലയിലെ 11 കൗണ്ടികളിൽ കനത്ത മഞ്ഞുവീഴ്ചയും ഐസും ഉണ്ടാകാനുള്ള സാധ്യതയുണ്ടെന്ന് മുന്നറിയിപ്പ് നൽകിയിട്ടുണ്ട്.മെറ്റ് ഐറാൻ പുറപ്പെടുവിച്ച മുന്നറിയിപ്പിൽ…
ലോക ബാങ്കിൽ മാനേജിംഗ് ഡയറക്ടറായി നിയമനം സ്വീകരിച്ചതിന് ശേഷം ഐറിഷ് ധനമന്ത്രി Paschal Donohoe തന്റെ സ്ഥാനം രാജിവച്ചതായി പ്രഖ്യാപിച്ചു.…
ബ്ലാക്ക്‌റോക്ക് ക്ലിനിക് സ്വകാര്യ ആശുപത്രിയുടെ സഹസ്ഥാപകനും ഭാര്യയും പാപ്പരത്തത്തിന് അപേക്ഷ നൽകി, ഏകദേശം 14.5 മില്യൺ യൂറോയുടെ കടബാധ്യതകൾ പട്ടികപ്പെടുത്തി.…