വെറും മൂന്ന് മിനുട്ടിനുള്ളിൽ ഷൂറ്റ്കെവർ തിന്നു തീർത്തത് പത്ത് ജാം ഡോണറ്റുകൾ

വെറും മൂന്ന് മിനുട്ടിനുള്ളിൽ ബ്രിട്ടൻ വനിതയായ ലേഹ് ഷൂറ്റ്കെവർ തിന്നു തീർത്തത് പത്ത് ജാം ഡോണറ്റുകൾ. അതിനിത്ര വിശേഷമെന്താ എന്നാണോ ചിന്തിക്കുന്നത്. ചുമ്മാ തിന്നു തീർക്കുകയല്ല, ഒപ്പം ഒരു ഗിന്നസ് റെക്കോർഡും ലേഹ് ഇതോടെ സ്വന്തം പേരിലാക്കി.

ലേയുടെ ലോക റെക്കോർഡ് പ്രകടനം ഗിന്നസ് വേൾഡ് റെക്കോർഡിന്റെ ഒഫീഷ്യൽ യൂട്യൂബ് ചാനലിൽ അപ് ലോഡ് ചെയ്തിട്ടുണ്ട്. കാണേണ്ട കാഴ്ച്ച തന്നെയാണിത്. ഇതെങ്ങനെ സാധിക്കുന്നു എന്നാണ് കമന്റുകളിൽ പലരും ചോദിക്കുന്നത്.

ഈ വർഷം മെയ് 16 നായിരുന്നു ലേ തന്റെ റെക്കോർഡ് പ്രകടനം നടത്തിയത്. സെപ്റ്റംബർ 9 നാണ് യൂട്യൂബിൽ വീഡിയോ വന്നത്. ബ്രിട്ടനിലെ ബർമിങ്ഹാം സ്വദേശിയാണ് ലേഹ്.

വീഡിയോ കൂടുതൽ ശ്രദ്ധ നേടിക്കൊണ്ട് മുന്നേറുകയാണ്. ഇതിനകം 77,000 പേരാണ് വീഡിയോ കണ്ടത്. ഇതുപോലെ നിരവധി വീഡിയോകൾ ലേയുടെ ഇൻസ്റ്റഗ്രാം പേജിൽ കാണാം. കുറഞ്ഞ സമയത്തിനുള്ളിൽ കൂടുതൽ ആഹാരം കഴിച്ചുള്ള നിരവധി വീഡിയോകളാണ് ലേയുടെ പേജിലുള്ളത്.