പ്രവാസികളുടെ മടങ്ങിവരവിൽ ഇന്ന് രണ്ടു വിമാനങ്ങളിലായി 368 പേർ എത്തും

തിരുവനന്തപുരം: പ്രവാസികളുടെ മടങ്ങിവരവിൽ ആദ്യ ദിവസമായ ഇന്ന് രണ്ടു വിമാനങ്ങളിലായി 368 പേർ എത്തും. അബുദാബി-കൊച്ചി വിമാനത്തിൽ 179 പേരും, ദുബായ്-കോഴിക്കോട് വിമാനത്തിൽ 189 പേരുമാണ് എത്തുന്നത്. യാത്രയ്ക്കുമുമ്പുള്ള പരിശോധനയിൽ ആരെയങ്കിലും ഒഴിവാക്കേണ്ടിവരുകയോ പകരം യാത്രക്കാർ ഇല്ലാതെ വരികയോ ചെയ്താൽ ഈ കണക്കിൽ മാറ്റമുണ്ടാകും.

നിലവിലെ കണക്കു പ്രകാരം ഏറ്റവുമധികം പേർ ഇന്ന് വരുന്നത് മലപ്പുറം ജില്ലക്കാരാണ്. ഇന്ന് എത്തുന്നവരിൽ  105 പേരാണ് മലപ്പുറം ജില്ലക്കാർ. തൃശൂരുകാരായ 73 പേരും കോഴിക്കോടുകാരായ 70 പേരും ഇന്ന് എത്തും.

മറ്റു ജില്ലകളിൽനിന്ന് എത്തുന്നവർ- എറണാകുളം(25), പാലക്കാട്(23), ആലപ്പുഴ(15), വയനാട്(15), കോട്ടയം(14), പത്തനംതിട്ട(8), കണ്ണൂർ(6), കാസർകോട്(5), തിരുവനന്തപുരം(1).