സംസ്ഥാനത്ത് ശ​ക്ത​മാ​യ മ​ഴ​യെ തു​ട​ർ​ന്ന് മലമ്പുഴ, പോത്തുണ്ടി ഡാമുകൾ തുറക്കുമെന്ന് റിപ്പോർട്ട്

പാലക്കാട്: മലമ്പുഴ, പോത്തുണ്ടി ഡാമുകൾ ഇന്ന് രാവിലെ തുറക്കുമെന്ന് ബന്ധപ്പെട്ട എക്സിക്യൂട്ടീവ് എൻജിനീയർ അറിയിച്ചു. മലമ്പുഴ ഡാമിന്റെ നാലു ഷട്ടറുകളും പോത്തുണ്ടി ഡാം മൂന്ന് ഷട്ടറുകളും അഞ്ച്  സെൻറീമീറ്റർ വീതമാണ് തുറക്കുന്നത്. മലമ്പുഴ 113.59 മീറ്ററും(പരമാവധി 115.06 മീറ്റർ), പോത്തുണ്ടി 106.2 മീറ്ററുമാണ്(പരമാവധി 108.204 മീറ്റർ) നിലവിലെ ജലനിരപ്പ്.

ബാ​ണാ​സു​ര സാ​ഗ​ര്‍ അ​ണ​ക്കെട്ടും തുറക്കും ​ 

ക​ല്‍​പ്പ​റ്റ: ശ​ക്ത​മാ​യ മ​ഴ​യെ തു​ട​ർ​ന്ന് ബാ​ണാ​സു​ര സാ​ഗ​ര്‍ അ​ണ​ക്കെ​ട്ടി​ന്‍റെ ഷ​ട്ട​റു​ക​ള്‍ തു​റ​ക്കു​ന്നു. തി​ങ്ക​ളാ​ഴ്ച വൈ​കു​ന്നേ​രം മൂ​ന്നി​ന് ശേ​ഷം ഷ​ട്ട​റു​ക​ള്‍ തു​റ​ന്ന് 50 ക്യു​ബി​ക് മീ​റ്റ​ര്‍ ജ​ലം വീ​തം പു​റ​ത്ത് വി​ടും.നി​ല​വി​ല്‍ 774.30 മീ​റ്റ​റാ​ണ് ബാ​ണാ​സു​ര സാ​ഗ​റി​ലെ ജ​ല​നി​ര​പ്പ്. അ​ണ​ക്കെ​ട്ടി​ന്‍റെ സം​ഭ​ര​ണ ശേ​ഷി 775.60 മീ​റ്റ​റും. ഷ​ട്ട​റു​ക​ള്‍ തു​റ​ക്കു​ന്ന​തോ​ടെ അ​ണ​ക്കെ​ട്ടി​ന്‍റെ താ​ഴ്‌​വാ​ര​ത്തെ ക​മാ​ന്‍​തോ​ട്, പ​ന​മ​രം പു​ഴ എ​ന്നി​വി​ട​ങ്ങ​ളി​ല്‍ ജ​ല​നി​ര​പ്പ് 25 സെ​മീ മു​ത​ല്‍ 60 സെ​മീ വ​രെ ഉ​യ​രാ​ന്‍ സാ​ധ്യ​ത​യു​ണ്ട്. പ്ര​ദേ​ശ​വാ​സി​ക​ള്‍ ജാ​ഗ്ര​ത പു​ല​ര്‍​ത്ത​ണ​മെ​ന്ന് കെ​എ​സ്ഇ​ബി മു​ന്ന​റി​യി​പ്പ് ന​ല്‍​കി. വെ​ള്ളി​യാ​ഴ്ച വൈ​കു​ന്നേ​രം മു​ത​ല്‍ ക​ന​ത്ത മ​ഴ​യാ​ണ് ഇ​വി​ടെ പെ​യ്യു​ന്ന​ത്. വ​യ​നാ​ട് ഞാ​യ​റാ​ഴ്ച​യും തി​ങ്ക​ളാ​ഴ്ച​യും ഓ​റ​ഞ്ച് അ​ലേ​ര്‍​ട്ട് പ്ര​ഖ്യാ​പി​ച്ചി​ട്ടു​ണ്ട്.

ഇടുക്കിയില്‍ 4 ഡാമുകള്‍ തുറന്നു 

മ​ഴ ശ​ക്ത​മാ​യ​തോ​ടെ ഇ​ടു​ക്കി​യി​ലെ അ​ണ​ക്കെ​ട്ടു​ക​ളി​ൽ ജ​ല​നി​ര​പ്പു​യ​രു​ന്നു. ഇ​തേ തു​ട​ർ​ന്നു നാ​ല് അ​ണ​ക്കെ​ട്ടു​ക​ളു​ടെ ഷ​ട്ട​റു​ക​ൾ തു​റ​ന്നു.ലോ​വ​ർ​പെ​രി​യാ​ർ(​പാം​ബ്ല), ക​ല്ലാ​ർ​കു​ട്ടി, കു​ണ്ട​ള, മ​ല​ങ്ക​ര അ​ണ​ക്കെ​ട്ടു​ക​ളു​ടെ ഷ​ട്ട​റു​ക​ളാ​ണ് തു​റ​ന്ന​ത്.​ക​ല്ലാ​ർ​കു​ട്ടി-​ര​ണ്ട്, കു​ണ്ട​ള- ര​ണ്ട്, ലോ​വ​ർ​പെ​രി​യാ​ർ-​ഒ​ന്ന്, മ​ല​ങ്ക​ര-​ആ​റ് എ​ന്നി​ങ്ങ​നെ​യാ​ണ് ഷ​ട്ട​റു​ക​ൾ തു​റ​ന്ന് വെ​ള്ളം പു​റ​ത്തേ​ക്ക് ഒ​ഴു​ക്കു​ന്ന​ത്.

മ​ല​ങ്ക​ര അ​ണ​ക്കെ​ട്ടി​ന്‍റെ ആ​റ് ഷ​ട്ട​റു​ക​ൾ 10 സെ​ന്‍റീ മീ​റ്റ​ർ വീ​ത​മാ​ണ് ഉ​യ​ർ​ത്തി​യ​ത്. അ​ണ​ക്കെ​ട്ടി​ൽ വൈ​കു​ന്നേ​രം അ​ഞ്ചി​ന് ജ​ല​നി​ര​പ്പ് 40.28 മീ​റ്റ​റാ​യി ഉ​യ​ർ​ന്നി​രു​ന്നു.ഷ​ട്ട​റു​ക​ൾ തു​റ​ന്ന​തി​നെ തു​ട​ർ​ന്ന് ഡാ​മി​ൽ നി​ന്ന് തൊ​ടു​പു​ഴ​യാ​റി​ലേ​ക്ക് ഒ​ഴു​കി​യെ​ത്തു​ന്ന വെ​ള്ള​ത്തി​ന്‍റെ അ​ള​വ് 23.91 ഘ​ന സെ​ന്‍റീ മീ​റ്റ​റാ​ണ്. തൊ​ടു​പു​ഴ, മൂ​വാ​റ്റു​പു​ഴ​യാ​റി​ന്‍റെ തീ​ര​ങ്ങ​ളി​ലു​ള്ള​വ​ർ ജാ​ഗ്ര​ത പാ​ലി​ക്ക​ണ​മെ​ന്ന് എം​വി​ഐ​പി അ​ധി​കൃ​ത​ർ അ​റി​യി​ച്ചി​ട്ടു​ണ്ട്. ഇ​ടു​ക്കി അ​ണ​ക്കെ​ട്ടി​ൽ രാ​ത്രി ഏ​ഴി​ന് രേ​ഖ​പ്പെ​ടു​ത്തി​യ ക​ണ​ക്ക​നു​സ​രി​ച്ച് ജ​ല​നി​ര​പ്പ് 2379.68 അ​ടി​യാ​യി ഉ​യ​ർ​ന്നു. സം​ഭ​ര​ണ​ശേ​ഷി​യു​ടെ 80.57 ശ​ത​മാ​ന​മാ​ണി​ത്. പ​ദ്ധ​തി പ്ര​ദേ​ശ​ത്ത് സാ​മാ​ന്യം ന​ല്ല മ​ഴ ല​ഭി​ച്ചു. മു​ല്ല​പ്പെ​രി​യാ​റി​ൽ 125.75 അ​ടി​യാ​ണ് ജ​ല​നി​ര​പ്പ്.