ചൊവ്വാഴ്ച ആരംഭിച്ച വെർച്വൽ ഗ്ലോബൽ ഇന്റർഫെയിത്ത് ഫോറത്തിന് സൗദി അറേബ്യ അധ്യക്ഷത വഹിച്ചു

റിയാദ്: ചൊവ്വാഴ്ച ആരംഭിച്ച വെർച്വൽ ഗ്ലോബൽ ഇന്റർഫെയിത്ത് ഫോറത്തിന് സൗദി അറേബ്യ അധ്യക്ഷത വഹിച്ചു. മുസ്ലീം പുരോഹിതന്മാർ, ജൂത റബ്ബികൾ, ക്രിസ്ത്യൻ പുരോഹിതന്മാർ, മറ്റ് മതവിശ്വാസികൾ എന്നിവർ പങ്കെടുത്തു. ഈ നവംബറില്‍ നടക്കാനിരിക്കുന്ന ജി 20 ഉച്ചകോടിക്ക് മുന്നോടിയായാണ് ഇത്തരമൊരു പരിപാടി നടത്തിയത്. കൊവിഡിന്റെ പശ്ചാത്തലത്തില്‍ വിര്‍ച്വലായാണ് യോഗം ചേര്‍ന്നത്.

“മതങ്ങൾ തമ്മിലുള്ള, ക്രിസ്ത്യാനികൾ, ജൂതന്മാർ, ബുദ്ധമതക്കാർ, ഹിന്ദുക്കൾ എന്നിവ തമ്മിലുള്ള ബന്ധത്തെക്കുറിച്ചാണ് നമ്മൾ സംസാരിക്കുന്നത്. സംഭാഷണത്തിന് ഒരു രാഷ്ട്രീയ അജണ്ടയില്ല” സൗദിയുടെ നേതൃത്വത്തിലുള്ള ഇന്റര്‍നാഷണല്‍ ഡയലോഗ് സെന്റര്‍ ചീഫ് പി.ടി.ഐയോട് പറഞ്ഞു.

ചൊവ്വാഴ്ചത്തെ ഉദ്ഘാടന സമ്മേളനത്തിൽ സംസാരിച്ചവരിൽ സൗദി മതകാര്യ മന്ത്രി, സൗദി ആസ്ഥാനമായുള്ള മുസ്‌ലിം വേള്‍ഡ് ലീഗ് സെക്രട്ടറി ജനറല്‍, ഈജിപ്തിലെ ഗ്രാന്‍ഡ് മുഫ്തി, കോണ്‍സ്റ്റാന്റിനിപ്പോള്‍ ന്യൂ റോമിലെ ആര്‍ച്ച് ബിഷപ്പ്, ജൂത പുരോഹിതര്‍, ഒപ്പം യു.എന്‍ പ്രതിനിധികള്‍ എന്നിവർ ഉൾപ്പെടുന്നു.