ആർത്രൈറ്റിസ് മരുന്നിന് കോവിഡ് -19 രോഗികളിൽ മരണനിരക്ക് 71% കുറയ്ക്കാൻ കഴിയുമെന്ന് പഠനം

കൊറോണ വൈറസ് എന്ന മഹാമാരി ലോകത്തെ പിടിച്ചുകെട്ടിയിട്ട് ഒരു വർഷത്തോളമായി, ആഗോളതലത്തിൽ കൊറോണ നാശം വിതയ്ക്കുന്നു. കോവിഡ് രോഗത്തെക്കുറിച്ചും അതിന്റെ ചികിത്സയെക്കുറിച്ചും കൂടുതൽ കൂടുതൽ വിവരങ്ങൾ ശേഖരിക്കാൻ ഗവേഷകർ രാവോ പകലോ ഇല്ലാതെ പ്രവർത്തിക്കുകയാണ്.

കോവിഡ് -19 നെതിരായ ഒരു പ്രധാന വിജയത്തിൽ, പ്രായമായവരിൽ മരണനിരക്ക് 71% കുറയ്ക്കാൻ ആർത്രൈറ്റിസ് മരുന്ന് സഹായിക്കുമെന്ന് കണ്ടെത്തി. ഇതനുസരിച്ച്, ബാരിസിറ്റിനിബിന്റെ പ്രതിദിന ഗുളികയും സാധാരണ പരിചരണവും കോവിഡ് -19 രോഗികളിൽ മിതമായതോ കഠിനമോ ആയ അണുബാധയുള്ളവരുടെ മരണത്തെ 71% കുറയ്ക്കാൻ കഴിയുമെന്നാണ് പഠനം. സ്വീഡിഷ് ഗവേഷകരുടെ കണ്ടെത്തലാണിത്. സ്വീഡനിലെ കരോലിൻസ്ക ഇൻസ്റ്റിറ്റ്യൂട്ടിലെ ഗവേഷകരാണ് ഗവേഷണത്തിന് നേതൃത്വം നൽകിയത്.

മരുന്ന് ഒലുമിയന്റ് എന്ന പേരിലാണ് വിപണനം ചെയ്യുന്നത്, ഇത് റുമറ്റോയിഡ് ആർത്രൈറ്റിസ് രോഗികളാണ് ഉപയോഗിക്കുന്നത്. ഈ പുതിയ കണ്ടെത്തൽ ആരോഗ്യമേഖലയിലുള്ളവർക്ക് കൂടുതൽ പ്രോത്സാഹജനകമാണ്.