ചൊവ്വാഴ്ച രണ്ട് കേസുകൾ കൂടി സ്ഥിരീകരിച്ചതോടെ കേരളത്തിൽ സിക്ക വൈറസ് ബാധിച്ചവരുടെ എണ്ണം 21

തിരുവനന്തപുരം: ചൊവ്വാഴ്ച രണ്ട് കേസുകൾ കൂടി സ്ഥിരീകരിച്ചതോടെ കേരളത്തിൽ സിക്ക വൈറസ് ബാധിച്ചവരുടെ എണ്ണം 21 ആയി. രണ്ട് കേസുകളും തിരുവനന്തപുരം പ്രാന്തപ്രദേശങ്ങളിൽ നിന്നുള്ളതാണെന്ന് സംസ്ഥാന ആരോഗ്യമന്ത്രി വീണ ജോർജ് പറഞ്ഞു. പൂന്തുറയിൽ താമസിക്കുന്ന 35 കാരനും ശാസ്തമംഗലത്ത് താമസിക്കുന്ന 41 കാരിക്കുമാണ് സിക്ക വൈറസ് സ്ഥിരീകരിച്ചിരിക്കുന്നത്.

സിക വൈറസ് കേസുകൾ പ്രത്യക്ഷപ്പെടാൻ തുടങ്ങിയതോടെ കേരള സർക്കാർ സംസ്ഥാന വ്യാപകമായി വെക്റ്റർ പരത്തുന്ന രോഗ നിയന്ത്രണ പരിപാടി ആരംഭിച്ചു. തിരുവനന്തപുരം, തൃശ്ശൂർ, കോഴിക്കോട് മെഡിക്കൽ കോളേജുകളിലും അലപ്പുഴയിലെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയിലും (എൻഐവി) പരിശോധനാ സൗകര്യങ്ങൾ ഒരുക്കിയിട്ടുണ്ട്.

പനി, ചുവന്ന പാടുകള്‍, പേശി വേദന, സന്ധി വേദന, തലവേദന എന്നിവയാണ് പ്രധാന ലക്ഷണങ്ങള്‍. ഈഡിസ് കൊതുകുകള്‍ പരത്തുന്ന രോഗമാണ് സിക്ക. കൊതുകു കടിയില്‍ നിന്നും രക്ഷനേടുകയാണ് സിക്കയെ പ്രതിരോധിക്കാനുള്ള പ്രധാന മാര്‍ഗം.