സെലിൻ ചാക്കോ രചനയും സംഗീതവും നിർവഹിച്ച് മൃദുല വാര്യർ ആലപിച്ച ക്രിസ്തീയ ഭക്തിനിർഭരഗാനം വെള്ളിയാഴ്ച് റിലീസ് ചെയ്യുന്നു

അയർലൻഡ് നിവാസിയായ സെലിൻ ചാക്കോ രചനയും സംഗീതവും നിർവഹിച്ച് പ്രശസ്ത ചലച്ചിത്ര പിന്നണി ഗായിക മൃദുല വാര്യർ ആലപിച്ച മനോഹര ക്രിസ്തീയ ഭഗതിഗാനം വെള്ളിയാഴ്ച റിലീസ് ചെയ്യുന്നു. 

സെലിൻ ചാക്കോയുടെ ജീവിത സ്വപ്നത്തിന്റെ തന്നെ ഒരു നാഴികക്കല്ലാണ് ഈ ഗാനം. ഒത്തിരി നാളുകളായി  കണ്ട സ്വപ്ന സാക്ഷാത്ക്കാരത്തിന്റേയും അതിനായി ചിലവഴിച്ച വിലപ്പെട്ടതും ആസ്വാദകരവുമായ കാലത്തിന്റെയും മധുരം നുണയുന്ന സന്തോഷത്തോടെയാണ് സെലിൻ ചാക്കോ ഈ ഗാനം പ്രേഷകരുടെ മുന്നിലേക്ക് എത്തിക്കുന്നത്.

ചെറുപ്പം മുതൽക്കേ തന്നെ പാട്ടുകളോടും, ഈണങ്ങളോടും ആലാപനത്തോടുമുല്ല അതിയായ താല്പര്യവും അതിലുപരി ദൈവസ്നേഹത്തോടും ദൈവം ചെയ്ത നന്മകളോടുമുള്ള കൗതുകവും ഇത്തരത്തിലുള്ള ഒരു കലാ മേഖലയിലേക്ക് തൻറെ പേരുകൂടി എഴുതി ചേർക്കുവാൻ സെലിൻ ചാക്കോയ്ക്ക് മുതൽക്കൂട്ടാകുകയായിരുന്നു. ഈ ഗാനം എഴുതുകയും അതിനനുയോജ്യമായ ഈണം നൽകുകയും ചെയ്ത സെലിൻ ഗാനങ്ങൾ ആലപിക്കാനും കഴിവുള്ള ഒരു കലാകാരികൂടിയാണ്. 

ലൊഫ്റ്റിൻ . പി. ജെ( പ്രൊജെക്ട് കോഓർഡിനേറ്റർ), അമൽ രാജു&അമോസ് .ടി.ജി(ഡി.ഓ.പി), സിറിൽ റപ്പായി(എഡിറ്റ്), ജിൻസൺ വർഗീസ്(പ്രോഗ്രാമിങ്), അരുൺ നായർ(ഡിസൈൻ) എന്നിവരാണ് വെള്ളിയാഴ്ച നാലുമണിയോടെ പ്രേഷകരിലേക്കെത്തിക്കുന്ന ഈ ക്രിസ്തീയ ഭക്തിനിർഭര ഗാനത്തിന്റെ പിന്നണിയിൽ പ്രവർത്തിച്ചിരിക്കുന്നത്.