ഇ-സ്കൂട്ടറുകൾക്ക് കടുത്ത നിയന്ത്രണം; 18 വയസ്സിൽ താഴെയുള്ളവർക്ക് വിലക്ക്, ഹെൽമറ്റും ഹൈ-വിഴ് ജാക്കറ്റും നിർബന്ധം

അയർലണ്ടിൽ ഇ-സ്കൂട്ടറുകളുടെ ഉപയോഗത്തിന് കൂടുതൽ കർശന നിയന്ത്രണങ്ങൾ കൊണ്ടുവരാൻ സർക്കാർ ഒരുങ്ങുന്നു. കുട്ടികളിൽ ഇ-സ്കൂട്ടർ അപകടങ്ങൾ വർധിക്കുകയും ഗുരുതര പരിക്കുകളും മരണങ്ങളും റിപ്പോർട്ട് ചെയ്യപ്പെടുകയും ചെയ്യുന്ന സാഹചര്യത്തിലാണ് പുതിയ നടപടികൾ.

Join GNN24X7 IRELAND Whatsapp Group 🔗 https://chat.whatsapp.com/HCHNSM0uwJ54sRAzNI1ur2

പ്രധാന മാറ്റങ്ങൾ

• 18 വയസ്സിൽ താഴെയുള്ളവർക്ക് ഇ-സ്കൂട്ടർ ഉപയോഗിക്കാൻ വിലക്ക്.
• എല്ലാ ഇ-സ്കൂട്ടർ യാത്രക്കാർക്കും ഹെൽമറ്റും ഹൈ-വിഴിബിലിറ്റി (Hi-Vis) ജാക്കറ്റും നിർബന്ധമാക്കും.
• നിലവിലെ €50 മുതൽ ആരംഭിക്കുന്ന പിഴ വർധിപ്പിക്കും.
• 18 വയസ്സിൽ താഴെയുള്ള കുട്ടികൾക്ക് ഇ-സ്കൂട്ടർ വാങ്ങിക്കൊടുക്കുന്ന രക്ഷിതാക്കൾക്കും പിഴ ചുമത്തും.

സെപ്റ്റംബർ മുതൽ കൂടുതൽ നിയമങ്ങൾ

• രാജ്യത്തെ എല്ലാ ഇ-സ്കൂട്ടറുകൾക്കും ദേശീയ രജിസ്ട്രേഷൻ നിർബന്ധമാക്കും.
• 20 കിലോമീറ്റർ വേഗപരിധി ലംഘിക്കുന്ന ഇ-സ്കൂട്ടറുകളുടെ വിൽപ്പന നിരോധിക്കും.
• കുട്ടികൾക്ക് ഇ-സ്കൂട്ടർ വിൽക്കുന്നതും നിയമവിരുദ്ധമാകും.
• ഇ-സ്കൂട്ടറുകൾക്ക് ലൈസൻസും രജിസ്ട്രേഷനും നിർബന്ധമാക്കും.
• നിലവിൽ ഉപയോഗത്തിലുള്ള ഇ-സ്കൂട്ടറുകൾക്കും രജിസ്ട്രേഷൻ ബാധകമാകും.
• നികുതിയും ഇൻഷുറൻസും ഉൾപ്പെടുന്ന പുതിയ സംവിധാനവും സർക്കാർ പരിഗണിക്കുന്നു.

എന്തുകൊണ്ടാണ് ഈ തീരുമാനം?

Children’s Health Ireland പുറത്തുവിട്ട കണക്കുകൾ പ്രകാരം, പ്രതിദിനം ശരാശരി ഒന്നുമുതൽ രണ്ടുവരെ കുട്ടികൾ ഇ-സ്കൂട്ടർ അപകടത്തെ തുടർന്ന് ആശുപത്രിയിൽ എത്തുന്നു. കഴിഞ്ഞ ഒരു വർഷത്തിനിടെ ഇ-സ്കൂട്ടർ അപകടങ്ങളുമായി ബന്ധപ്പെട്ട ഗുരുതര മസ്തിഷ്ക പരിക്കുകളുടെ ആശുപത്രി പ്രവേശനം 50 ശതമാനം വർധിച്ചതും സർക്കാരിന്റെ ആശങ്ക വർധിപ്പിച്ചു.

പൂർണ നിരോധനമില്ല

ഇ-സ്കൂട്ടറുകൾ പൂർണമായും നിരോധിക്കണമെന്ന ആവശ്യം ശക്തമായിരുന്നെങ്കിലും, ജോലി ആവശ്യങ്ങൾക്കും ദൈനംദിന യാത്രയ്ക്കുമായി സുരക്ഷിതമായി ഉപയോഗിക്കുന്നവരെ കൂടി പരിഗണിച്ചാണ് സർക്കാർ ഇപ്പോൾ കർശന നിയന്ത്രണങ്ങൾ നടപ്പാക്കാൻ തീരുമാനിച്ചിരിക്കുന്നത്. അതേസമയം, നിയമലംഘകരെ പിന്തുടരാനും പിടികൂടാനും ഗാർഡയ്ക്ക് കൂടുതൽ വ്യക്തമായ നിയമപരമായ അധികാരവും പരിശീലനവും നൽകാനും നീക്കമുണ്ട്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

Follow Us on Instagram!
GNN24X7 IRELAND :
🔗 https://www.instagram.com/gnn24x7.ie?igsh=YzljYTk1ODg3Zg==