ഇന്ത്യയിലെയും ശ്രീലങ്കയിലെയും വിദ്യാർത്ഥികൾക്ക് അയർലണ്ടിൽ പഠിക്കാൻ Education in Ireland വെബ്ബിനാർ ഒരുക്കുന്നു

അയർലണ്ടിൽ ഉന്നത വിദ്യാഭാസത്തിനായി തയ്യാറെടുക്കുന്ന ഇന്ത്യയിലേയും ശ്രീലങ്കയിലേയും വിദ്യാർത്ഥികൾക്കായി Education in Ireland വെബ്ബിനാർ സംഘടിപ്പിക്കുന്നു. അയർലണ്ടിൽ പഠനത്തിനായി തയ്യാറെടുക്കുമ്പോൾ അറിഞ്ഞിരിക്കേണ്ടതായ വിവരങ്ങളെയും ആശയങ്ങളെയും കുറിച്ച് അവബോധമുണ്ടായേക്കുകയെന്നതാണ് വെബ്ബിനാറിന്റെ പ്രധാന ലക്‌ഷ്യം. ഐറിഷ് ഗവൺമെന്റിന്റെ ഏജൻസിയായ എഡ്യൂക്കേഷൻ അയർലണ്ടാണ് വെബ്ബിനാറിന് നേതൃത്വം നൽകുന്നത്.

ഇന്ത്യയിലെയും ശ്രീലങ്കയിലെയും വിദ്യാർത്ഥികൾക്ക് മാത്രമായി നടത്തുന്ന അയർലണ്ടിലെ ഒരു ഔദ്യോഗിക വിദ്യാഭ്യാസ പരിപാടിയാണിത്. യൂണിവേഴ്സിറ്റികൾ, കോളേജുകൾ, ഐറിഷ് വിസ പ്രതിനിധികൾ എന്നിവരുമായി നേരിട്ട് സംവദിക്കാനും അയർലണ്ടിൽ പഠിക്കുക എന്ന നിങ്ങളുടെ സ്വപ്നം സാക്ഷാത്കരിക്കാനായി എല്ലാ സംശയങ്ങൾക്കും ഉത്തരം കണ്ടെത്താനും October 23ന് ഇന്ത്യൻ സമയം 1:00pm മുതൽ 6:00pm വരെ സംഘടിപ്പിച്ചിരിക്കുന്ന ഈ വെബ്ബിനാറിലൂടെ കഴിയും. രജിസ്ട്രേഷൻ സൗജന്യമാണ്. വിദ്യാർത്ഥികളുടെ രക്ഷിതാക്കൾക്കും പരിപാടിയിൽ പങ്കെടുക്കാം. ഈ ഇവന്റിൽ ഐറിഷ് വിസ ഓഫീസ് പ്രതിനിധികളും വിദ്യാർത്ഥി അംബാസഡർമാരും ഉള്ള ഒരു വെർച്വൽ സെമിനാർ റൂം ഉൾപ്പെടുത്തിയിട്ടുണ്ട്.

ബിസിനസ്, സയൻസ്, എഞ്ചിനീയറിംഗ്, ഹ്യുമാനിറ്റീസ് എന്നിവയിൽ യുജി, പിജി പ്രോഗ്രാമുകൾ വാഗ്ദാനം ചെയ്യുന്ന പരിപാടിയിൽ അയർലണ്ടിലെ മികച്ച 20 സ്ഥാപനങ്ങൾ പങ്കെടുക്കും. ന്യൂഡൽഹിയിലെ ഐറിഷ് വിസ ഓഫീസിലെ ഉദ്യോഗസ്ഥരും വിസ നടപടിക്രമങ്ങളിൽ വ്യക്തത നൽകാൻ ഉണ്ടാകും. ഐറിഷ് സർക്കാർ ഉദ്യോഗസ്ഥർ പരിപാടിയിൽ വിദേശ വിദ്യാർത്ഥികൾക്കായി വെർച്വൽ സെമിനാറുകൾ നടത്തും.

കൂടുതൽ വിവരങ്ങൾക്കായി www.justrightconsultancy.com എന്ന വെബ്സൈറ്റ് സന്ദർശിക്കുകയോ +91 92073 62888, +91 90613 71888, +35 38713 48726 എന്നീ നമ്പറുകളിലോ info@justrightconsultancy.com, contact@justrightconsultancy.com എന്നീ ഇമെയിൽ അഡ്രസ്സുകളിൽ ബന്ധപ്പെടുകയോ ചെയ്യുക.