“ഹിഗ്വിറ്റ” നാടകം മെയ് മൂന്നിന് താലാ ബാസ്കറ്റ്ബോൾ അരീനയിൽ

അയർലണ്ടിലെ പ്രമുഖ കലാ സാംസ്‌കാരിക സംഘടനയായ ‘മലയാള’ത്തിന്റെ ആഭിമുഖ്യത്തിൽ ഐ മണ്ഡല എന്ന നാടക സംഘം അണിയിച്ചൊരുക്കുന്ന “ഹിഗ്വിറ്റ” എന്ന നാടകം മെയ് 3 ശനിയാഴ്ച വൈകുന്നേരം 6 മണിക്ക് താലായിലെ ബാസ്കറ്റ്ബോൾ അരീനയിൽ അവതരിപ്പിക്കപ്പെടും. പ്രശസ്ത കഥാകാരൻ ശ്രീ എൻ എസ് മാധവന്റെ ‘ഹിഗ്വിറ്റ’ എന്ന കഥയുടെ സ്വതന്ത്ര നാടകാവിഷ്കാരമാണ് ഇത്. വിശാലമായ ഒരു സെവൻസ് ഫുട്ബോൾ കോർട്ടിന്റെ പശ്ചാത്തലത്തിലാണ് നാടകം അരങ്ങേറുന്നത്.

പ്രമുഖ നാടക പ്രവർത്തകനും സംവിധായകനുമായ ശ്രീ ശശിധരൻ നടുവിലിന്റെ മേൽനോട്ടത്തിൽ കഴിഞ്ഞയാഴ്ച നടന്ന നാടക ക്യാമ്പിൽ നിന്നു തെരഞ്ഞെടുത്ത മുപ്പതിൽപ്പരം കലാകാരന്മാരും കലാകാരികളുമാണ് നാടകത്തിൽ അഭിനയിക്കുന്നത്.സയന്റോളജി ഹാളിൽ നടന്ന ചടങ്ങിൽ വെച്ച് ശ്രീ ഷൈൻ പുഷ്പാംഗതന് ആദ്യ ടിക്കറ്റ് നൽകിക്കൊണ്ട് ടിക്കറ്റ് വിതരണത്തിന് ആരംഭം കുറിച്ചു. ചടങ്ങിൽ വെച്ച് ശശിധരൻ നടുവിൽ നാടകത്തെക്കുറിച്ചു വിശദമായി സംസാരിച്ചു. eventblitz.ie എന്ന വെബ്സൈറ്റിലൂടെ ഓൺലൈനിൽ ടിക്കറ്റ് വാങ്ങാവുന്നതാണ്.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb