വേൾഡ് സ്കൂൾ ക്രോസ് കൺട്രി ചാംപ്യൻഷിപ്പ്; അയർലണ്ടിനെ പ്രതിനിധീകരിച്ച് രണ്ട് മലയാളികളും

International School Sport Federation (ISF) സംഘടിപ്പിക്കുന്ന “വേൾഡ് സ്കൂൾ ക്രോസ് കൺട്രി ചാംപ്യൻഷിപ്പിൽ” അയർലണ്ടിനെ പ്രതിനിധീകരിച്ച് രണ്ട് മലയാളികളും. സാൻട്രിയിലെ അനിത് ചാക്കോ – സിൽവിയ ജോസഫ് ദമ്പതികളുടെ മകനായ അലിസ്റ്റർ അനിത്, സെന്റ് മാർഗരറ്റ്സിലെ ബിനോയ് – ടോംസി ദമ്പതികളുടെ മകനായ മെൽവിൻ ബിനോയ് എന്നിവരാണ് മെയ് 13-ന് നയ്റോബിയിൽ വച്ച് നടക്കുന്ന ചാംപ്യൻഷിപ്പിൽ അയർലണ്ടിനെ പ്രതിനിധീകരിക്കുന്ന ടീമിൽ ഉൾപ്പെട്ടിട്ടുള്ള മലയാളികൾ. ഇരുവരും Aidan’s CBS Whitehall സ്കൂൾ വിദ്യാർത്ഥികളാണ്. 

കോച്ചായ അലൻ ഒ’നീലിനൊപ്പം ടീം ഇന്ന് കെനിയയിലേയ്ക്ക് പുറപ്പെടും. ചാംപ്യൻഷിപ്പിന് മുമ്പ് കെനിയയിലെത്തുന്ന സംഘം, നയ്റോബിയിൽ കെനിയയിലെ ഐറിഷ് അംബാസഡറുടെ വസതി സന്ദർശിക്കും.

13 മുതൽ 18 വയസ് വരെ പ്രായക്കാരായ വിദ്യാർത്ഥികളാണ് ചാംപ്യൻഷിപ്പിലെ വിവിധ സ്പോർട്സ് മത്സരങ്ങളിലായി പങ്കെടുക്കുക. ഇത്തവണത്തെ ചാംപ്യൻഷിപ്പിൽ ലോകമെമ്പാടുനിന്നുമുള്ള 450 അത്‌ലറ്റുകളാണ് പങ്കെടുക്കുന്നത്.

Follow the GNN24X7 IRELAND channel on WhatsApp:

https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb