ബ്രേ തിരുവോണം തുമ്പപ്പൂ-22 ഇന്ന്

അയർലൻഡ് മലയാളികളുടെ ഓണാഘോഷങ്ങൾക്ക് ഇന്ന് ബ്രേയിൽ തിരി തെളിയും. ചെറിവൂഡ് മുതൽ Wicklow കൗണ്ടിയിലെ ഗോറി വരെയുള്ള പ്രദേശങ്ങളിലെ മലയാളികൾക്ക് ഇന്ന് മുതൽ ഉത്സവക്കാലം.

രാവിലെ പത്തു മണിമുതൽ വൈകിട്ട് ആറ് വരെയാണ് പരിപാടികൾ നടക്കുക. ബ്രേയ് എക്സിറ്റിനോട് ചേർന്നുള്ള വൂഡ്ബ്രൂക് കോളേജിലാണ് ആഘോഷം സംഘടിപ്പിച്ചിരിക്കുന്നത്. ചെറി വുഡ്, ഷാങ്കിൽ, Bray, Greystones, New Castle, Newtown Mount Kennedy, Rathnew, Kilcoole, Ashford, Wicklow, Arklow, Rathrum, Gory എന്നിവടങ്ങളിലെ മലയാളികളും ഒത്തുകൂടും.

കലാമണ്ഡലം വിമലാദേവിയുടെ ശിഷ്യ സുജ കുറ്റിക്കോൽ, രാമചന്ദ്രൻ വേലേശ്വരം, രാജു മാസ്റ്റർ നീലേശ്വരം, നാട്യമയൂരി അഞ്ജലി എന്നിവരുടെ ശിക്ഷണത്തിൽ കഴിഞ്ഞ 20 വർഷമായി നൃത്തം അഭ്യസിക്കുകയും, കാസറഗോഡ് വിദ്യാനഗർ ‘സ്വസ്തി’ ഡാൻസ് അക്കാദമിയിലെ നൃത്ത അധ്യാപികയും ആയ ധന്യ സച്ചിൻ അവതരിപ്പിക്കുന്ന ഭരതനാട്യം, ലിസ് ബിനു, റിയ തോംസൺ, ഹന്ന ബിനു, ക്രിപ കിസാൻ തോമസ് എന്നിവരുടെ ഫ്യൂഷൻ ഡാൻസ്, അക്സെലിൻ ബീയിംങ്സ് , കീർത്തന കിസാൻ തോമസ് എന്നിവരുടെ ക്ലാസിക്കൽ ഡാൻസ് തുടങ്ങി നിരവധി കലാപരിപാടികൾ ഇന്ന് അരങ്ങേരും.