ഇറ്റലി: കോവിഡ് ഗവേഷണങ്ങൾക്കായി ഇറ്റലിയിലെ ആശുപത്രിക്ക് ചൈനീസ് ദമ്പതികളുടെ സഹായം. പകർച്ചവ്യാധികളുമായി ബന്ധപ്പെട്ട ചികിത്സയും ഗവേഷണവും നടത്തുന്ന റോമിലെ സ്പല്ലൻസാനി ആശുപത്രിക്കാണ് 66 വയസുള്ള ചൈനീസ് പൗരനും 67 വയസ് പ്രായമുള്ള ഭാര്യയും ചേർന്ന് 40,000 ഡോളർ സംഭാവന നൽകിയത്.
ഇറ്റലിയിൽ വിനോദ സഞ്ചാരത്തിനെത്തിയ ഇവർ കഴിഞ്ഞ ജനുവരി 30 ന് കോവിഡ് പോസിറ്റിവായതിനെ തുടർന്ന് സ്പല്ലൻസാനി ആശുപത്രിയിൽ ചികിത്സ തേടിയിരുന്നു. ഒന്നര മാസത്തെ ചികിത്സയ്ക്കുശേഷം സുഖം പ്രാപിച്ച ദമ്പതികൾ മാർച്ച് മധ്യത്തോടെ ആശുപത്രിവിട്ടു.
സ്വദേശമായ വുഹാനിൽ മടങ്ങിയെത്തിയ ദമ്പതികൾ, തങ്ങൾക്ക് മികച്ച ചികിത്സ ലഭ്യമാക്കിയതിന്റെ നന്ദിസൂചകമായി സ്പല്ലൻസാനി ആശുപത്രിക്ക് സാമ്പത്തിക സഹായം നൽകുകയായിരുന്നു. ലോകത്തിന്റെ വിവിധ പ്രദേശങ്ങളിൽ നാശം വിതച്ചുകൊണ്ടിരിക്കുന്ന കോവിഡ്- 19 വൈറസുമായി ബന്ധപ്പെട്ട ഗവേഷണങ്ങൾക്ക് ഈ തുക വിനിയോഗിക്കണമെന്ന ആഗ്രഹമാണ് ഇവർ മുന്നോട്ടുവച്ചത്.
വലിയ ഔദാര്യത്തിന്റെയും നന്ദിയുടെയും പ്രവൃത്തിയാണ് ചൈനീസ് ദമ്പതികളുടേതെന്ന് റോമിലെ ലാസിയോ റീജനൽ ഹെൽത്ത് കൗൺസിലർ അലസിയോ ദമാതോ അഭിപ്രായപ്പെട്ടു. മെഡിക്കൽ മികവിനും പകർച്ചവ്യാധി ഗവേഷണത്തിനും രാജ്യാന്തര പ്രശസ്തിയാർജിച്ച ആശുപത്രിയാണ് റോമിലെ സ്പല്ലൻസാനി.
ഭീകരതയ്‌ക്കെതിരായ പോരാട്ടത്തിൽ അയർലൻഡ് ഇന്ത്യയ്‌ക്കൊപ്പം ഉറച്ചുനിൽക്കുന്നുവെന്നും ഇന്ത്യൻ പൗരന്മാർക്കെതിരായ ആക്രമണങ്ങൾ വർദ്ധിച്ചതിനെത്തുടർന്ന് ഇന്ത്യൻ സമൂഹത്തെ സംരക്ഷിക്കുന്നതിനും പിന്തുണയ്ക്കുന്നതിനുമായി പ്രത്യേക ഗാർഡ…
ബെൽഫാസ്റ്റ്: നോർത്തേൺ അയർലണ്ടിലെ വേൾഡ് മലയാളി കൗൺസിൽ ബെൽഫാസ്റ്റ് പ്രൊവിൻസിന്റെ പ്രവർത്തനോദ്ഘാടനം നവംബർ 21 വെള്ളിയാഴ്ച വൈകിട്ട് 5 ന്…
അയർലണ്ടിൽ പഠനം ആഗ്രഹിക്കുന്ന ഓരോ വിദേശ വിദ്യാർത്ഥികളുടെയും സ്വപ്നസാക്ഷാത്കാരത്തിന് മികച്ച അവസരം ഒരുക്കുകയാണ് ഐറിഷ് ഗവണ്മെന്റ്നൽകുന്ന സർക്കാരിന്റെ ഇന്റർനാഷണൽ എഡ്യൂക്കേഷൻ…
മസ്കറ്റ്: ഒമാനിൽ ഒരു കുടുംബത്തിലെ ആറ് പേർക്ക് ദാരുണാന്ത്യം. അൽ അത്കിയ പ്രദേശത്താണ് ഭർത്താവും ഭാര്യയും നാല് കുട്ടികളും അടങ്ങുന്ന…
അയർലണ്ടിലെ മെട്രോലിങ്ക് പദ്ധതിയുടെ നിർമ്മാണത്തിന് ഏകദേശം 8,000 തൊഴിലാളികൾ ആവശ്യമായി വരുമെന്ന് കണക്കാക്കപ്പെടുന്നു, ഇതിൽ ഗണ്യമായ സംഖ്യ വിദേശത്ത് നിന്ന്…
ബെംഗളൂരു: ഐപിഎൽ വിജയാഘോഷത്തിനിടെ ബെംഗളൂരു ചിന്നസ്വാമി സ്റ്റേഡിയത്തിലുണ്ടായ ആൾക്കൂട്ട ദുരന്തത്തിന്റെ ഉത്തരവാദിത്തം ആർസിബിക്കെന്ന് പൊലീസ്. കർണാടക പൊലീസിന്റെ സിഐഡി വിഭാഗം…