കാർ ക്രെയിനിൽ ഇടിച്ചു കയറി യുവാവ് മരിച്ചു; 5 പേർക്കു പരുക്ക്

ചങ്ങനാശേരി: പെരുന്നയ്ക്കു സമീപം എസി റോഡ് നിർമാണ ജോലികൾക്കായി എത്തിച്ച ക്രെയിനിൽ കാർ ഇടിച്ചു കയറി ഒരാൾ മരിച്ചു. കാറിലുണ്ടായിരുന്ന 4 പേർക്കും നിർമാണ ജോലികളുമായി ബന്ധപ്പെട്ട് റോഡരികിൽ നിൽക്കുകയായിരുന്ന ഊരാളുങ്കൽ സൊസൈറ്റി തൊഴിലാളിക്കും പരുക്കേറ്റു.

കുമ്പനാട് നെല്ലിമല ആനപ്പാറയ്ക്കൽ ജോയിയുടെ മകൻ ജോയൽ (20) ആണ് മരിച്ചത്. ചൊവ്വാഴ്ച രാത്രിയായിരുന്നു അപകടം.