യു. കെയിൽ താപനില -10ൽ: കാലാവസ്ഥ അടിയന്തര പ്രോട്ടോകോൾ പ്രഖ്യാപിച്ചു

ഷെഫീൽഡിലെ സ്റ്റാനിംഗ്ടൺ ഏരിയയിലെ ഏകദേശം 2,000 വീടുകൾ ദിവസങ്ങളോളം ഗ്യാസ് ഇല്ലാതെ കിടക്കുന്നു. ലണ്ടനിൽ, താപനില -3C വരെ താഴ്ന്നതിനാൽ ഭവനരഹിതരായ ആളുകൾക്ക് അടിയന്തര താമസസൗകര്യം പ്രദാനം ചെയ്യുന്നതിനായി കാലാവസ്ഥാ അടിയന്തര പ്രോട്ടോക്കോൾ ആരംഭിച്ചതായി മേയർ സാദിഖ് ഖാൻ അറിയിച്ചു. ശൈത്യത്തിന്റെ നേരിയ തുടക്കത്തിനു ശേഷം, വെയിൽസ്, വടക്കൻ അയർലൻഡ്, ഇംഗ്ലണ്ടിന്റെ കിഴക്കൻ തീരം, വടക്കൻ സ്കോട്ട്ലൻഡ്, പടിഞ്ഞാറൻ ദ്വീപുകൾ എന്നിവയുടെ ചില ഭാഗങ്ങളിൽ കാലാവസ്ഥാ നിരീക്ഷണ കേന്ദ്രം യെല്ലോ അലേർട്ട് പുറപ്പെടുവിച്ചു.

ശീതകാലത്തെ ഗൗരവമായി കാണണമെന്ന് യുകെ ഹെൽത്ത് ആൻഡ് സെക്യൂരിറ്റി ഏജൻസി (UKHSA) ആളുകൾക്ക് നിർദ്ദേശം നൽകി. വീടുകൾ കുറഞ്ഞത് 18C വരെ ചൂടാക്കാൻ ശുപാർശ ചെയ്യുന്നു. ജീവിതച്ചെലവ് പ്രതിസന്ധിയുമായി മല്ലിടുന്നവർക്ക്, പകൽ സമയത്ത് സ്വീകരണമുറികൾ ചൂടാക്കാനും, ഉറങ്ങാൻ പോകുന്നതിനുമുമ്പ് കിടപ്പുമുറികൾ ചൂട് ക്രമീകരിക്കാനും അത് വഴി വൈദ്യുതി ബില്ലുകൾ കുറയ്ക്കാനും നിർദ്ദേശിക്കുന്നു. UKHSA-യുടെ മാർഗ്ഗനിർദ്ദേശം പ്രകാരം ആളുകൾ ചൂടുള്ള ഭക്ഷണം കഴിക്കുന്നതാണ് നല്ലത്. വെള്ളിയാഴ്ച സൗത്ത് യോർക്ക്ഷെയർ നഗരത്തിലെ സ്റ്റാനിംഗ്ടൺ ഏരിയയിലെ 2,000 വീടുകളെ ബാധിച്ചു. ഒരു വാട്ടർ മെയിൻ പൊട്ടി ഗ്യാസ് പൈപ്പിന് കേടുപാടുകൾ വരുത്തി. കാലാവസ്ഥ അടിയന്തരാവസ്ഥ പ്രഖ്യാപിക്കുന്നതിലൂടെ, സേവനങ്ങൾ ഒരു മേഖലയിൽ കൂടുതൽ കേന്ദ്രീകരിക്കാനും ആളുകളെ സുരക്ഷിതമായി നിലനിർത്തുന്നതിന് വിഭവങ്ങൾ കൂടുതൽ കാര്യക്ഷമമായി ഏകോപിപ്പിക്കാനും കഴിയും.

പവർ കട്ട് ഉണ്ടായാൽ സ്പെയർ ബാറ്ററികളുള്ള ടോർച്ചുകളും ഔട്ട്ഡോർ യാത്രകളുടെ എണ്ണം കുറയ്ക്കാൻ ഭക്ഷണവും മരുന്നും വിതരണം നിലനിർത്താൻ ഏജ് യുകെ നിർദേശിച്ചു. Severe Weather Emergency Protocol (SWEP) ശൈത്യകാലത്ത് ആദ്യമായി പ്രവർത്തനക്ഷമമാക്കിയതിന് ശേഷം ലണ്ടനിലെ ഭവനരഹിതർക്ക് അഭയം നൽകും. ലണ്ടന്റെ ചില ഭാഗങ്ങൾ താപനില ആഴ്ചയിൽ മൈനസ് മൂന്നായി കുറയു മെന്നും സുരക്ഷിതമായ താമസസൗകര്യമില്ലാതെ തെരുവുകളിൽ ഉറങ്ങുന്ന നിരവധി ആളുകൾക്ക് ഇത് അസ്സഹനീയമാകുമെന്നും മേയർ സാദിഖ് ഖാൻ മുന്നറിയിപ്പ് നൽകി.