യുകെ സ്കിൽഡ് വർക്കർ വീസ: ശമ്പളപരിധി വർദ്ധിപ്പിച്ചുള്ള ഉത്തരവിറക്കി

ബ്രിട്ടനിൽ സ്കിൽഡ് വർക്കർ വീസയ്ക്ക് അപേക്ഷിക്കുന്നതിനുള്ള ശമ്പളപരിധി ഉയർത്തി ഉത്തരവിറങ്ങി. പുതിയ ഉത്തരവ് പ്രകാരം, 38,700 പൗണ്ട് (40 ലക്ഷത്തോളം രൂപ) വാർഷിക ശമ്പളമുള്ളവർക്കേ വീസയ്ക്ക് അപേക്ഷിക്കാൻ സാധിക്കൂ. നിലവിൽ ശമ്പള പരിധി 26,200 പൗണ്ട് ആണ്. 48% വർധനവാണ് ഒറ്റയടിക്ക് ഉണ്ടായിരിക്കുന്നത്. കുടിയേറ്റം നിയന്ത്രിക്കുന്നതിനും തൊഴിലാളികൾക്ക് ജീവിതച്ചെലവിനുള്ള തുക ഉറപ്പാക്കുന്നതിനുമാണ് ഈ വർധന നടപ്പിൽ വരുത്തുന്നതെന്ന് യുകെ ഹോം ഓഫിസ് അറിയിച്ചു.

കുറഞ്ഞ ശമ്പളത്തിൽ വിദേശ പൗരന്മാരെ തൊഴിലിനു നിയമിക്കാനും ഇനി കമ്പനികൾക്കാവില്ല. ബ്രിട്ടനിലുള്ളവർക്കു നൽകുന്ന അതേ തുക തന്നെ വിദേശ തൊഴിലാളികൾക്കും നൽകണം എന്ന സ്ഥിതിയാണിപ്പോൾ. തദ്ദേശീയർ ആവശ്യത്തിനുള്ള മേഖലകളിൽ അവരെ പരിശീലിപ്പിച്ച് ജോലി നൽകിയ ശേഷമേ ഇനി വിദേശ വിദഗ്‌ധ തൊളിലാളികളെ നിയമിക്കാൻ പാടുള്ളൂ. അവശ്യമേഖലകളിൽ മാത്രം വിദേശികളുടെ സേവനം പ്രയോജനപ്പെടുത്താം.

വിദ്യാർഥി വീസയിലെത്തുന്നവർക്കും കെയർ വർക്കർമാർക്കും ആശ്രിതരെ കൊണ്ടുവരുന്നതിനു കഴിഞ്ഞ മാസം നിയന്ത്രണം ഏർപ്പെടുത്തിയിരുന്നു. വിദഗ്ധ തൊഴിൽ, ആരോഗ്യ മേഖലകളിൽ പ്രധാനമായും ജോലി ചെയ്യുന്ന ഇന്ത്യക്കാരെയാണ് പുതിയ നിബന്ധനകൾ കൂടുതൽ ബാധിക്കുക.

Follow the GNN24X7 IRELAND channel on WhatsApp: https://whatsapp.com/channel/0029Va4AM6UElagtUTDuQQ0S

GNN NEWS IRELAND നിന്നുള്ള പ്രധാന വാര്‍ത്തകളും, ബ്രേക്കിംഗ് ന്യൂസുകളും വാട്സാപ്പില്‍ ലഭിക്കുവാന്‍ താഴെയുള്ള ലിങ്കില്‍ ക്ലിക്ക് ചെയ്ത് ജോയിന്‍ ചെയ്യുക.

https://chat.whatsapp.com/Fvb5dzrOEnRCV2ReS4R7Gb